"რეალის" სატრანსფერო პოლიტიკა, ბუნებრივია, ამ კლუბის ხელმძღვანელთა კაბინეტებში წყდება. სწორედ ასეთი შეხვედრა შემდგარა გასულ კვირაში, რომელშიც ჟოზე მოურინიო მონაწილეობდა. მოურინიო "რეალის" პრეზიდენტ ფლორენტინო პერესს შეხვდა, ამ შეხვედრას გენერალური დირექტორი ხოსე ანხელ სანჩესიც ესწრებოდა. როგორც "მარკა" იუწყება, კლუბის ბოსები იმაზე შეთანხმდნენ, რომ ახალ შენაძენებს მანამდე არ გააკეთებენ, სანამ ბალასტს არ მოიცილებენ. "რეალი" 3-4-მა ფეხბურთელმა უნდა დატოვოს ჯერ. გუნდში ახლა 28 ფეხბურთელია იჯარიდან დაბრუნებული როისტონ დრენტეს, დავიდ მატეოსის, მესამე მეკარე ტომას მეხიასისა და ახალწვეულების (კალეხონი, შაჰინი, ალთინთოფი) ჩათვლით. პორტუგალიელი სპეციალისტი შვებულებაში გასვლამდე
ნური, ყველაზე პერსპექტიული
ფიფა-ს ოფიციალურმა ვებსაიტმა გულშემატკივართა გამოკითვის შემდეგ, პლანეტის ყველაზე პერსპექტიულ ახალგაზრდა ფეხბურთელად მადრიდის "რეალის" 23 წლის თურქი ახალწვეული ნური შაჰინი დაასახელა. ბუნდესლიგის გასული სეზონის საუკეთესო ფეხბურთელმა დიდი უპირატესობით მოიგო გამოკითხვა - მან ხმების ნახევარი მიიღო. შაჰინმა ისეთ ახალგაზრდა ვარსკვლავებს გაასწრო როგორიც ალექსის სანჩესი (უდინეზე), ხავიერ პასტორე (პალერმო), გარეთ ბეილი (ტოტენჰემი) და განსოა (სანტოსი).
ეკიპმა, 30 მილიონიო
ფრანგულმა "ეკიპმა" გამოჩხრიკა "რეალისა" და "ინტერის" ხელმძღვანელთა მოლაპარაკებების დეტალები, რომელიც კაკას მილანში სავარაუდო ტრანსფერს შეეხება. იტალიური გრანდი ბრაზილიელის ნაცვლად "სამეფო კლუბს" 30 მილიონ ევროს სთავაზობს, მაგრამ ამ თანხაზე ესპანელები ყაბულს არ არიან. მათ 29 წლის ნახევარმცველის სანაცვლოდ 10 მილიონი ევროთი მეტი სურთ. შეგახსენებთ, რომ 2009 წელს "რეალმა" კაკას სანაცვლოდ "მილანს" 68,5 მილიონი გადაუხადა. მას შემდეგ კაკამ ვერაფრით შეძლო ესპანეთში ფეხის მოკიდება, რაშიც მას გამუდმებით ტრავმები უშლიდა ხელს.
ყოველდღიური სპორტული გაზეთი "ლელო"
