"მალიორკამ" არგენტინული "ტიგრედან" პაბლო კასერესი აიყვანა და მას სამწლიანი ხელშეკრულება გაუფორმა. 26 წლის მცველი კუნძულელთა თავკაცის, მიქაელ ლაუდრუპის მესამე შენაძენია ხუან კალატაიუდისა და ჰემედ ტომერის შემდეგ. ურუგვაელისთვის ევროპაში თამაში უცხო არაა, მას გერმანულ "დუისბურგში" და ბერძნულ "ომონიაში" უთამაშია. "შემოთავაზებები მრავალი კლუბიდან მქონდა, როგორც ევროპაში, ასევე არგენტინაში, მაგრამ, როცა "მალიორკას" წინადადება მივიღე, წამით აღარ მიყოყმანია", - განუცხადა კლუბის ოფიციალურ საიტს კასერესმა.
ყოველდღიური სპორტული გაზეთი "ლელო"
