ესპანეთის ნაკრების თავკაცმა ვისენტე დელ ბოსკემ "ჩელსის" ფორვარდი ფერნანდო ტორესი გააფრთხილა, რომ ევრო-2012-ზე მოსახვედრად კონკურენციის დაძლევა მოუწევს. 27 წლის ტორესის საქმე მას შემდეგ წავიდა უკან, რაც "ელ ნინიო" "ჩელსიმ" "ლივერპულისგან" 50 მილიონ ფუნტ სტერლინგად შეიძინა. აქამდე ესპანეთის ნაკრებში ტორესის ადგილი (მიუხედავად ცუდი ფორმისა) ეჭვს არ იწვევდა, მაგრამ ახლა დელ ბოსკე აცხადებს, რომ უკრაინა-პოლონეთში მოსახვედრად თავდამსხმელს ბევრი ოფლისღვრა დასჭირდება. ბედის ირონიით, ტორესი ძლივს ათამაშდა ლონდონურ კლუბში და გოლების გატანაც დაიწყო.
დელ ბოსკე ამბობს, რომ ტორესის ევრო-2008-ის გმირობა და მსოფლიოს ჩემპიონობა ვერ
"მან შეიცვალა კლუბი, შემდეგ ჰქონდა არცთუ წარმატებული სეზონი. ჩვენ ჯერ კიდევ გვწამს მისი შესაძლებლობების, მაგრამ თუკი მაღალ დონეზე ვერ ითამაშებს, ევროპის ჩემპიონატზე ვერ წავა. მას საკმაოდ კარგი კონკურენტები ჰყავს და თუკი აჯობებენ, ვერ ვუღალატებთ სამართლიანობის პრინციპს. სხვათა შორის, უკვე ძალიან ბევრი ფიქრობს, რომ ამ შემთხვევაში ჩვენ სხვებს უსამართლოდ ვექცევით", - განუცხადა "მარკას" ესპანეთის ნაკრების თავკაცმა. ამაზე ცხად გამაფრთხილებელ "მესიჯს" ფერნანდო ტორესი ვერ მიიღებდა.
მოდი, ჩამოვთვალოთ თავდამსხმელები, ვისთანაც ტორესს კონკურირება უწევს: დავიდ ვილია და პედრო როდრიგესი "ბარსელონადან", რობერტო სოლდადო "ვალენსიადან", ალვარო ნეგრედო ("სევილია") და ფერნანდო ლორენტე ("ბილბაო").
ყოველდღიური სპორტული გაზეთი "ლელო"
