მადრიდის "რეალის" ნახევარმცველმა კრიშტიანო რონალდომ ერთმანეთს ინგლისისა და ესპანეთის ჩემპიონატები შეადარა.პორტუგალიელმა აღნიშნა, რომ ამ ორ ჩემპიონატს შორის ბევრი სხვაობაა.
"პრემიერლიგაში უფრო დიდი კონკურენციაა, ვიდრე პრიმერა დივიზიონში. ესპანეთში უფრო ტექნიკურ ფეხბურთს თამაშობენ, სადაც მოთამაშეებს ბურთის კონტროლი უყვართ.
ინგლისში კი უფრო ინტენსიურად თამაშობენ და მსაჯები ფეხბურთელებს მეტ თავისუფლებას აძლევენ. ვფიქრობ, რომ ადგილობრივ გულშემატკივარს ეს მოსწონს.
სწრაფი და გუნდურ თამაშზე აგებული ფეხბურთი მეც მომწონს. ის ძალიან ლამაზი სანახავია", - განაცხადა რონალდომ.
მომზადებულია DT-ის მიხედვით
