კატალონიის "ბარსელონას" მთავარმა მწვრთნელმა ხოსეპ გვარდიოლამ მიიღო გადაწყვეტილება, კლუბთან კონტრაქტი აღარ გაახანგრძლივოს. გამომდინარე აქედან, ესპანელი სპეციალისტი გუნდს სეზონის დასრულების შემდეგ დატოვებს.
ესპანური გამოცემა "მარკას" ცნობით, გვარდიოლამ ამის შესახებ უკვე შეატყობინა გუნდის ფეხბურთელებს.
შეგახსენებთ, რომ გვარდიოლამ "ბარსელონასთან" ერთად 13 ტიტული მოიგო.
2009 და 2011 წლებში კატალონიელი მსოფლიოში საუკეთესო მწვრთნელად აღიარეს.
