მახაჩყალის "ანჟის" კამერუნელმა ფორვარდმა სამუელ ეტოომ ზაფხულის სატრანსფერო ფანჯრის დროს შესაძლოა, "ბარსელონას" რიგები შეავსოს. ზოგიერთი მონაცემებით, 31 წლის კამერუნელი, რომელიც კატალონიურ კლუბში 2004-იდან 2009 წლამდე გამოდიოდა, გასულ სამშაბათს ყოფილ თანაგუნდელებს კარლეს პუიოლს, ჩავის და ვიქტორ ვალდესს შეხვდა, რომლებთანაც "ბარსელონაში" შესაძლო დაბრუნება განიხილა.
"ანჟიში" ეტოო 2011 წლის ზაფხულიდან გამოდის, როდესაც კამერუნელი მილანის "ინტერიდან" რუსეთში გადაბარგდა.
