კატალონიის "ბარსელონა" "ვილიარეალის" თავდამსხმელით ნილმარით დაინტერესდა. შეგახსენებთ, რომ "ყვითელი წყალქვეშა ნავი" ესპანეთის მეორე დივიზიონში გადავიდა.
27 წლის ფეხბურთელი ზაფხულის სატრანსფერო ფანჯრის დროს კლუბის დატოვებას გეგმავს.
გარდა ამისა, "ვილიარეალის" ხელმძღვანელობა გუნდის მეორე დივიზონში გადასვლის შემდეგ აპირებს ფეხბურთელებს ხელფასები შეუმციროს. ნილმარი კი ამჟამად კვირაში 95 ათას ევროს იღებს, ხოლო მისი კონტრაქტი კლუბთან 2014 წლამდე მოქმედებს.
სავარაუდოდ "ბლაუგრანა" ფეხბურთელის სანაცვლოდ 8 მილიონ ევროს გადაიხდის.
