ბილბაოს "ატლეტიკის" თავდამსხმელი ფერნანდო ლორენტე დარწმუნებულია, რომ მის გუნდს ესპანეთის თასის ფინალში "ბარსელონას" დამარცხება შეუძლია.შეგახსენებთ, რომ კატალონიური და ბასკური გუნდის დაპირისპირება 26 მაისს გაიმართება.
"ატლეტიკი" ამ თამაშის მოგებას იმსახურებს. ყველა მატჩში ბოლომდე ვიხარჯებით და ევროპის ლიგის ფინალში მადრიდის "ატლეტიკოსთან" მარცხი უკვე დავივიწყეთ. "ბარსელონასთან" შეხვედრაში შანსი გვაქვს.
მართალია, ვერ ვიტყვი, რამდენად მაღალია ეს შანსი, მაგრამ თუ ჩვენი საუკეთესო თამაშის ჩვენებას მოვახერხებთ და "ბარსელონას" საქმეს გავურთულებთ, მათი დამარცხება შეგვიძლია", - განაცხადა ლორენტემ.
