"ბარსელონას" თავდამსხმელმა ლიონელ მესიმ განაცხადა, რომ ამჟამად თავს არ იღლის იმაზე ფიქრით, მოახერხებს თუ არა მორიგი "ოქროს ბურთის" მოგებას.შეგახსენებთ, ბევრი მიიჩნევს, რომ ამ ჯილდოსთვის ბრძოლა მასსა და მადრიდის "რეალის" თავდამსხმელ კრიშტიანო რონალდოს შორის გაიმართება.
"ძალიან ბედნიერი ვარ, რომ მიმდინარე სეზონში ამდენი გოლის გატანა მოვახერხე. ჩემი მიზანი თითოეულ სეზონში უცვლელი რჩება: ვისწავლო და საკუთარი თამაში სრულვყო.
რაც შეეხება "ოქროს ბურთს", ამ დროისთვის ამაზე არ ვფიქრობ. წინ დიდი დროა და "ბარსელონას" და არგენტინის ნაკრების შემადგენლობაში მნიშვნელოვანი მატჩები მელის", - აღნიშნა მესიმ.
