ევრო 2012-ზე დანიელთაგან ერთ-ერთი გამორჩეული განაპირა მცველი სიმონ პოულსენი იყო, რომელიც, სხვათა შორის, თავისუფალი აგენტია და ჰოლანდიურ "აზ ალკმაართან" ხელშეკრულება აღარ აკავშირებს. შესაბამისად, დანიელს უსასყიდლოდ შეუძლია გადასვლა, სადაც მოისურვებს.
ესპანური "დიარიო ას"-ი ირწმუნება, რომ პოულსენმა გალისიური "დეპორტივო" აირჩია, რომელიც ახლახან დაუბრუნდა ლა ლიგას.
27 წლის მარცხენა მცველი სულ მალე 2-წლიან კონტრაქტს გააფორმებს ლაკორუნიულ კლუბთან. მას "დეპორტივოში" ნახევარდაცვის ფლანგზე უპირებენ დაყენებას, სადაც გასულ სეზონში გუნდის ლიდერი ანდრეს გუარდადო ირჯებოდა.
მექსიკელი "ვალენსიაში" გადაბარგდა, "დეპორის" ხელმძღვანელობას კი მიაჩნია, რომ პოულსენი მისი იდეალური შემცვლელი
ჰოლანდიურ კლუბში ის შემტევ ნახევარმცველად თამაშობდა, თუმცა დანიის ნაკრებში სიმონს მცველობა უწევს.
დანიელის შეძენის სურვილი "აიაქსს", "ასტონ ვილას" და მიონხენგლადბახის "ბორუსიას" ჰქონდათ.
ყოველდღიური სპორტული გაზეთი "ლელო"
