ესპანეთის ნაკრებისა და კატალონიის "ბარსელონას" ნახევარმცველი ანდრეს ინიესტა თანამედროვე ფეხბურთის ერთ-ერთ საუკეთესო მოთამაშედ ითვლება. 
ვიდეო ესპანელმა ჰავბეკმა სეზონი ბრწყინვალედ დაასრულა. ის ევროპის 2012 წლის ჩემპიონი გახდა. შეგახსენებთ, რომ აქამდე ზედიზედ ევროპის პირველობა არავის მოუგია. ინიესტამ ესპანეთის ნაკრებთან ერთად ზედიზედ სამი საერთაშორისო ტურნირი მოიგო: ევრო 2008, მსოფლიოს 2012 წლის ჩემპიონატი და ევრო 2012.
გარდა ამისა, "ბლაუგრანას" ნახევარმცველი ევრო 2012-ზე საუკეთესო ფეხბურთელად დაასახელეს. ფეხბურთს თავი რომ დავანებოთ, ინიესტამ ერთი კვირის წინ ცოლი მოიყვანა. მისი რჩეული ანა ორტისი გახ
წყვილი ქორწინებამდე ერთად ცხოვრობდა. ანდრესმა და ანამ ერთმანეთი 2008 წელს გაიცნეს. წყვილს 2011 წელს ქალიშვილი ვალერია შეეძინა.
ხანგრძლივი სასიყვარულო ურთიერთობის შემდეგ ანდრესი და ანა 8 ივლისს დაქორწინდნენ.
თუ არ ჩავთვლით საკლუბო მიღწევებს, ინიესტა ყველგან გამარჯვებულია, თუმცა შეგახსენებთ, რომ "ბარსელონა" გასულ სეზონში ესპანეთის თასის მფლობელი გახდა. კატალონიელებმა თასის ფინალში ბილბაოს "ატლეტიკი" დაამარცხეს.
ინიესტა საკუთარი სათამაშო სტილითა და ფინტებით ბევრ ადამიანს აოცებს. ხშირ შემთხვევაში ესპანელი ისეთ სიტუაციებიდან პოულობს გამოსავალს, სადაც ბევრ სხვა ფეხბურთელს, უბრალოდ, ვერაფერი გამოსდის.
გთავაზობთ ესპანეთის ნაკრებისა და კატალონიის "ბარსელონას" ნახევარმცველის, ევრო 2012-ის საუკეთესო ფეხბურთელის, ანდრეს ინიესტას თავბრუდამხვევ ფინტებს. კიდევ ერთხელ გადავავლოთ თვალი ამ ადამიანის ბრწყინვალე შემოქმედებას (იხილეთ ვიდეო).
ასევე იხილეთ:
ანდრეს ინიესტამ ქორწილი ესპანეთის პროვინცია ტარაგონასთან, ულამაზეს კოშკში გადაიხადა [+VIDEO]
ევრო 2012-ის საუკეთესო ფეხბურთელი ანდრეს ინიესტაა
