კატალონიის "ბარსელონას" მეკარე ვიქტორ ვალდესი ფიქრობს, რომ ბრაზილიელი ფეხბურთელი რონალდინიო, რომელიც ადრე "ბლაუგრანას" ღირსებას იცავდა, ყველაზე დიდი ტალანტია ვისთანაც ერთად "ბარსელონაში" უთამაშია.ესპანელმა მეკარემ საკუთარი აზრი ტელეარხ "Terra TV"-ზე დააფიქსირა. ვალდესის სიტყვებმა ბევრი გულშემატკივარი გააოგნა, რადგან ამჟამად ესპანელი მეკარე "ბარსელონაში" ოქროს ბურთის სამგზის მფლობელ ლიონელ მესისთან ერთად თამაშობს.
ბევრი მესის ყველა დროის საუკეთესო ფეხბურთელად მიიჩნევს. ის უკვე 8 სეზონია პრიმერას ალამაზებს, ხოლო გასულ სეზონში არგენტინელმა შედეგიანობის მიხედვით რეკორდი მოხსნა.
ამის მიუხედავად ვალდესი მიიჩნევს, რომ სწორედ რონალდინიოს მოსვლა გუნდში 2003 წელს
"ყოველთვის ვამბობდი, რომ რონიმ კლუბის ისტორია შეცვალა, როცა "ბარსელონაში" გამოდიდოდა. ის გუნდის ლიდერი იყო, რომელმაც ჩვენი ისტორია შეცვალა.
დიდი ხნის განმავლობაში ტიტულებს ვერ ვიგებდით, თუმცა მოვიდა რონალდინიო და "ბარსელონა" მთელ მსოფლიოს გააცნო. მარტო ამის გამო უნდა გადავუხადოთ მადლობა. ასე ვიტყვი, რონი ყველაზე დიდი ტალანტია, რომელიც ოდესმე "ბარსელონას" გასახდელში მინახავს. რონი ყოველთვის რაღაც ახალს აკეთებდა", - თქვა ვალდესმა.
ვალდესის მოსაზრება საინტერესოა, თუმცა ვინ არის "ბარსელონას" ისტორიაში ყველაზე დიადი ფეხბურთელი? შეიძლება კანდიდატებად ჩავი და ინიესტაც მივიჩნიოთ, თუმცა უმრავლესობა ალბათ მაინც რონალდინიოსა და მესისკენ იხრება.
