თუკი "ბარსელონას" გულშემატკივრებს ამ სეზონის "ელ კლასიკოს" ხილვა სურთ, მათ 298 ევროს გაღება მოუწევთ. ეს კი ისტორიაში ყველაზე ძვირი "კლასიკო" იქნება. გასულ წელთან შედარებით, ბილეთის ფასი "კამპ ნოუზე" 33 ევროთი მოიმატებს.
აქ, რა თქმა უნდა, საუკეთესო ადგილებია ნაგულისხმევი. თუკი კლუბის წევრი ორ ბილეთს შეიძენს, მიიღებს 5%-იან ფასდაკლებას.
შეგახსენებთ, რომ სეზონის პირველი "კლასიკო" 7 ოქტომბერს გაიმართება. ამ მატჩის ბილეთები გაყიდვაში 26 ივლისიდანაა.
ყოველდღიური სპორტული გაზეთი "ლელო"
