კატალონიის "ბარსელონას" სპორტულმა დირექტორმა ანდონი სუბისარეტამ გუნდის მეკარეზე, ვიქტორ ვალდესზე ისაუბრა, რომელმაც მადრიდის "რეალთან" (3:2) ესპანეთის სუპერთასის პირველ მატჩში კურიოზული გოლი გაუშვა.კერძოდ კი, სუბისარეტამ ვალდესის შეცდომაზე გაამახვილა ყურადღება, რომლის შემდეგაც ანხელ დი მარიამ გოლის გატანა შეძლო.
"შეცდომები ნებისმიერი მეკარის კარიერის ნაწილია. ამიტომ ვალდესი მკაცრად არ უნდა განვსაჯოთ.
"ბარსელონაში" გატარებული წლების განმავლობაში ვალდესმა უფრო მეტჯერ გადაარჩინა "ბლაუგრანას" კარი, ვიდრე შეცდომა დაუშვა. დარწმუნებული ვარ, ამის შემდეგ ის საკუთარ თავს ხელში აიყვანს და ბრწყინვალე სეზონს ჩაატარებს", - თქვა სუბისარეტამ.
სუბისარეტამ ანდრეს ინიესტა
"ინიესტა არის ის ფეხბურთელი, რომლისგანაც ყველა შეტევა იქმნება. გადამწყვეტი გადაცემის გაკეთებაში მას ბადალი არ ჰყავს.
საფეხბურთო მოედანზე ინიესტა ისეთ რაღაცეებს ხედავს, რასაც სხვები ვერ ამჩნევენ", - აღნიშნა ანდონიმ.
მომზადებულია Goal.com-ის მიხედვით
ასევე იხილეთ:
ბარსელონა-რეალი 3:2 - ვიქტორ ვალდესის საჩუქარი [VIDEO]
