მსოფლიოსა და ევროპის მოქმედი ჩემპიონი ესპანეთის ნაკრები 2014 წლის მუნდიალის შესარჩევი ციკლისთვის მზადებას იწყებს.ვისენტე დელ ბოსკეს შეგირდები 7 სექტემბერს პონტევედრეში საუდის არაბეთის ნაკრებთან ამხანაგურ მატჩს ჩაატარებენ, რის შემდეგაც 11 სექტემბერს თბილისში, საქართველოს ნაკრებთან მსოფლიოს 2014 წლის ჩემპიონატის შესარჩევ შეხვედრას გამართავენ.
ესპანეთის ნაკრები თბილისში შემდეგი შემადგენლობით ჩამოვა:
მეკარეები: კასილიასი, რეინა, ვალდესი.
მცველები: ხორდი ალბა, ალბიოლი, არბელოა, მონრეალი, პიკე, სერხიო რამოსი, ხუანფრანი.
ნახევარმცველები: ბენიატი, ჩაბი ალონსო, ჩავი, კასორლა, სესკ ფაბრეგასი, ინიესტა, ბუსკეტსი, დავიდ სილვა, ხესუს ნავასი.
თავდამსხმელები: პედრო, სოლდადო, ტორესი, ვილია.
