მექსიკელი თავდამსხმელი ჯოვანი დოს სანტოსი ლონდონის "ტოტენჰემიდან" ესპანურ "მალიორკაში" გადავიდა. 23 წლის ფეხბურთელს ესპანელები ოთხწლიან კონტრაქტზე შეუთანხმდნენ. გარიგების ფინანსური დეტალები არ ხმაურდება.
ჯოვანი დოს სანტოსი "ტოტენჰემში" 2008 წელს "ბარსელონადან" გადავიდა და სამჯერ იყო იჯარით გასხვისებული - "იფსვიჩ თაუნში", "გალათასარაისა" და "რასინგში".
სპეციალიზებული ინტერნეტპორტალი Transfermarkt.de დოს სანტოსის ტრანსფერს 5 მილიონ ევროდ აფასებს.
