ორი გრანდი, ორივე უცნაური ფერის ფორმებით... ერთი კვლავ იგებს, მეორე კი კვლავ აგებს... მოკლედ, 4 ტურის შემდეგ "ბარსელონა" "რეალს" უკვე 8 ქულით უსწრებს! ჟოზე მოურინიო გაოგნებულია, ტიტო ვილანოვას კი უნაკლო სტარტი გამოუვიდა. აქვე არ შეიძლება არ ვახსენოთ ლეო მესი, მან ხომ პირადი რეკორდი გააუმჯობესა - 2012 წელს ყველა ოფიციალურ მატჩში 61 გოლი გაიტანა, თანაც ჯერ წლის დასრულებამდე რამდენი დროა...
ბაჭიას დაბრუნება
ლა ლიგა ანდალუსიაში განახლდა, მანუელ პელეგრინის გუნდმა შინ "ლევანტე" 3:1 დაამარცხა. ამ შეხვედრაში ხავიერ სავიოლას ბენეფისი ვიხილეთ.
"ბაჭიამ" თითქმის
სიმართლე ითქვას, ანდალუსიელებს მანამდეც უნდა გაეტანათ, მაგრამ სერხიო ბალესტეროსის აშკარა უხეშობაზე (იმავე სავიოლას წინააღმდეგ) მსაჯმა თვალი დახუჭა. მეორე ტაიმის დასაწყისში "ლევანტემ" ერთადერთხელ დაარტყა ვილი კაბალიეროს კარში ზუსტად და გაიტანა კიდევაც. შორი მანძილიდან მიჩელ ერერომ იყოჩაღა, მაგრამ "მალაგას" პასუხი 12 წუთში ვიხილეთ, სავიოლამ საჯარიმოში ხოაკინ სანჩესი მოძებნა და ვეტერანმა ნახევარმცველმაც დააწინაურა "მალაგა".
თამაშის მიწურულს, როცა მასპინძლები 10 კაცით იყვნენ მოედანზე, ფრანსისკო პორტილიომ ულამაზესი გოლი გაიტანა. პელეგრინი ახლა "ზენიტთან" თამაშზე გადაერთვება.
ღამურების პირველი გამარჯვება
როგორც იქნა, "ვალენსიამ" ლა ლიგაში პირველი გამარჯვება იზეიმა, ახლად ამოსული "სელტა" 2:1 დაამარცხა.
ვიგოელები თანასწორად ეთამაშნენ მასპინძლებს, მაგრამ ორივე ტაიმის დასაწყისში ყურადღების მოდუნება გოლად დაუჯდათ - პირველში ვიერას პასით სოფიან ფეგულიმ დააწინაურა თავისიანები, მეორეში ტინო კოსტას ჩამოწოდებულს საჯარიმოს ხაზიდან თავით მეტოქის კარში მიუჩინა ადგილი "ლოს ჩეს" ფრანგმა ახალწვეულმა ალი სისოკომ.
ამ ორ გოლს შორის იყო ბრაზილიის ნაკრების მეკარის, დიეგო ალვეშის უხეში შეცდომა, რასაც კაბრალის გოლი მოჰყვა.
ბარსა, სრული სვლით
ტიტო ვილანოვამ მხოლოდ მეორე ტაიმში შემოუშვა მოედანზე ლიონელ მესი, თუმცა ამას ხელი არ შეუშლია არგენტინელისთვის, მატჩის გმირი გამხდარიყო. "ხეტაფემ" ამ სეზონში "რეალი" დააჩოქა, ხოლო გასულ სეზონში - "ბარსელონა". ამიტომაც ამ გუნდთან მობილიზება იყო საჭირო.
პირველი ტაიმი "ბარსამ" ადრიანოს გოლით მოიგო, თუმცა ამ გოლში უფრო დიდი წვლილი სესკ ფაბრეგასს მიუძღვის.
მეორე ტაიმში მესიმ ჯერ პენალტით (რომელიც პედროს წაქცევისთვის დაინიშნა), შემდეგ კი ახლო მანძილიდან დარტყმით, დუბლი შეასრულა. "ხეტაფემ" გაიბრძოლა - სარაბიას დარტყმული სახეში მოხვდა მასკერანოს, რის გამოც არგენტინელს ავტოგოლი მიეთვალა.
ბოლოს კი 15 წუთის წინ გამოსულმა დავიდ ვილიამ ფაბრეგასის შორეული პასი მკერდით დაამუშავა და მოია მეოთხედ დაამწუხრა - 1:4. ამ შეხვედრაში კიდევ ერთხელ გამოჩნდა, რომ ვიტიენეს ტეიშეირა სუსტი არბიტრია. კარლეს პუიოლმა კვლავ ტრავმა მიიღო (ამჯერად მუხლი დაიზიანა) და მომავალ კლასიკოს დააკლდება.
მიჩელის პირველი
"ამ წუთისათვის მე გუნდი არ მყავს", - აცხადებდა გამწარებული ჟოზე მოურინიო თამაშის შემდეგ - "რეალმა" ზედიზედ მეორედ წააგო და ცხრილის ქვედა ნაწილშია. "სევილიამ" წუთისა და 9 წამის გასვლის შემდეგ გაუტანა თბილისიდან გამარჯვებით დაბრუნებულ იკერ კასილიასს - რაკიტიჩის კუთხურს პიოტრ ტროხოვსკის დიდებული დარტყმა მოჰყვა, გერმანელმა დი მარიას დაასწრო.
"სანჩეს პისხუანზე" მეტი გოლი არც გასულა - 1:0. გონსალო იგუაინი უკვე მესამე წუთზე გადაურჩა წითელ ბარათს, ფერნანდო ნავაროსთან უხეშობისთვის. "რეალი" ბევრს ვერაფერს ახერხებდა, თუკი მწვანე ფერში გამოწყობილ "სამეფო კლუბს" რაიმე გამოსდიოდა, ანდრეს პალოპი ყოჩაღობდა. მოკლედ, ანდალუსიელებმა დამსახურებულად გაიმარჯვეს. "რეალის" ლეგენდა მიჩელმა მწვრთნელის რანგში პირველად დაამარცხა თავისი გუნდი.
ლონგო საინტერესოა, ადურისი - დიდებული
"კორნელია ელ პრატზე" 6-გოლიანი თრილერი ვიხილეთ გუნდებისგან, რომელთაც პრიმერას სტარტი აშკარად ჩაუვარდათ. "ესპანიოლმა" და "ბილბაომ" 3:3 ითამაშეს.
მაყურებელმა ორი განსხვავებული ტაიმი იხილა - პირველში "ესპანიოლმა" ლიდერის, ჟოან ვერდიუს წყალობით ძალიან დაჩაგრა ბასკური გუნდი (გოლები ხავი ლოპესმა და თავად ვერდიუმ გაიტანეს), მეორეში კი მარსელო ბიელსამ იბაი გომესი და ფერნანდო ლორენტე შეიყვანა მოედანზე. პირველის ჩაწოდებისა და ადურისის თავურის წყალობით "ბილბაომ" ერთი გაიტანა, მეორე კი სეზონში პირველად მოთამაშე ლორენტეს ანგარიშზეა.
"ესპანიოლი" მაინც გავიდა წინ (ლონგო), მაგრამ ადურისის სუპერმაკრატელამ 3:3 დააფიქსირა. არ შეიძლება 20 წლის იტალიელ ყმაწვილ სამუელ ლონგოზე არ ვთქვათ - პირველ ტაიმში მან მეკარეც კი მოატყუა, მაგრამ გოლი ვეღარ გაიტანა. ვერდიუს გოლიც მისი ბრწყინვალე თამაშის შედეგია. მეორეში გოლი მაინც გაიტანა მან, მაგრამ შეცდომაც უმალ დაუშვა, როცა მაყურებლებში გადავიდა გოლის აღსანიშნავად - ლონგოს უკვე ჰქონდა ყვითელი ბარათი და მსაჯმა ის მოედნიდან გააძევა.
უცნაური მატჩი ვისენტე კალდერონზე
ებრაელმა ტომერ ჰემედმა მე-4 ტურში მე-4 გოლი გაიტანა და "მალიორკა" კვლავ დაუმარცხებელი დატოვა - მან ოსასუნელი კიკე სოლას თავურს თავურითვე უპასუხა.
პირველ ტაიმში ჩხუბისთვის ბასკთა ფორვარდი ხოსება ლორენტე და სტუმართა პორტუგალიელი კაპიტანი ჟოზე ნუნიეში გააძევეს - 1:1. ასეთივე ანგარიშით დასრულდა მატჩი ანდალუსიაში, სადაც "გრანადა" "დეპორტივოს" დაუზავდა.
პირველ ტაიმში გალისიელები პორტუგალიელმა ნელსონ ოლივეირამ დააწინაურა, ანგარიში კი მატჩის მიწურულს ფლორო ფლორესმა გაათანაბრა. მადრიდულ დერბიში უცნაური მატჩი ვიხილეთ - 82-ე წუთამდე "ატლეტიკო" "რაიო ვალეკანოს" 4:0-ს ანადგურებდა, თუმცა "ელვებმა" ბოლოს სამი გოლი გაუტანეს ტიბო კურტუას და კინაღამ ქულა იხსნეს - 4:3.
ლა ლიგა. IV ტური
მალაგა-ლევანტე 3:1
მალაგა (4-2-3-1): კაბალიერო - ს. სანჩესი, დემიკელისი, ველიგტონი, მონრეალი - ნაჩო კამაჩო, ელიზეუ (81. დუდა) - პორტილიო, ისკო, ხოაკინი (73. რესიო) - სავიოლა (68. სანტა კრუსი).
ლევანტე (4-2-3-1): მუნუა - ლელი, ბალესტეროსი, დ. ნავარო, ხუანფრანი - დიოპი (74. რ. გარსია), ბარკერო (65. პალიარდო) - ელ-ჟარი (61. პ. რიოსი), მიჩელი, ხუანლუ - გეკასი.
გოლები: 1:0 სავიოლა (26), 1:1 მიჩელი (46), 2:1 ხოაკინი (58), 3:1 პორტილიო (93)
გაფრთხილება: ს. სანჩესი, კამაჩო, კაბალიერო - ლელი, ბალესტეროსი, დიოპი, მიჩელი
გაძევება: ს. სანჩესი (87)
კუთხური: 4-4; ჯარიმა: 15-19; თამაშგარე: 6-5; კარში დარტყმა: 12-5 (5-1); ბურთის ფლობა: 64%-36%.
მაყურებელი: 22 000
ვალენსია-სელტა 2:1
ვალენსია (4-2-3-1): დიეგო ალვეში - ბარაგანი, რამი, რუისი, სისოკო - პარეხო, ტ. კოსტა - ფეგული, ჟონასი (66. ვალდესი), ვიერა (77. ჟ. პერეირა) - სოლდადო (92. რ. კოშტა).
სელტა (4-2-3-1): ვარასი - მალიო, კაბრალი, ტუნიესი, ლაგო - ოუბინია, ინსა (61. დე ლუკასი) - ა. ფერნანდესი (71. ბერმეხო), ა. ლოპესი, კრონ-დელი - ასპასი (71. პარკი).
გოლები: 1:0 ფეგული (3), 1:1 კაბრალი (15), 2:1 სისოკო (50)
გაფრთხილება: პარეხო, ბარაგანი, რამი - ინსა, კაბრალი
კუთხური: 8-11; ჯარიმა: 17-15; თამაშგარე: 2-2; კარში დარტყმა: 15-15 (4-4); ბურთის ფლობა: 47%-53%.
მაყურებელი: 37 000
ხეტაფე-ბარსელონა 1:4
ხეტაფე (4-2-3-1): მოია - ვალერა, ლოპო, ალექსისი, მ. ტორესი - ხ. ტორესი, მიჩელი (68. ლასენი) - პედრო ლეონი (78. სარაბია), ბარადა, დ. კასტრო - კოლუნგა (59. ა. ვასკესი).
ბარსელონა (4-3-3): ვალდესი - მონტოია, პიკე, პუიოლი (56. მასკერანო), ადრიანო - ჩავი, ბუსკეტსი, ტ. ალკანტარა (58. მესი) - ტელიო (75. ვილია), ფაბრეგასი, პედრო.
გოლები: 0:1 ადრიანო (32), 0:2 მესი (74-პენ), 0:3 მესი (78), 1:3 მასკერანო (80 ს.კ.), 1:4 ვილია (90)
გაფრთხილება: მიჩელი, ვალერა - ბუსკეტსი, პიკე
კუთხური: 1-7; ჯარიმა: 11-9; თამაშგარე: 0-4; კარში დარტყმა: 6-15 (3-9); ბურთის ფლობა: 36%-64%.
მაყურებელი: 9 200
სევილია-რეალი 1:0
სევილია (4-3-3): პალოპი - სისინიო, სპაჰიჩი, ბოტია, ფ. ნავარო - მადურო, მედელი, რაკიტიჩი (60. დელ მორალი) - ხესუს ნავასი, ნეგრედო (69. ლუნა), ტროხოვსკი (81. კონდობია).
რეალი (4-2-3-1): კასილიასი - არბელოა (64. კალეხონი), პეპე, სერხიო რამოსი, მარსელო - ხედირა, ჩაბი ალონსო - დი მარია (46. ბენზემა), იოზილი (46. მოდრიჩი), რონალდო - იგუაინი.
გოლი: 1:0 ტროხოვსკი (2)
გაფრთხილება: ნავარო, რაკიტიჩი, ლუნა - დი მარია, პეპე, იგუაინი
კუთხური: 3-4; ჯარიმა: 21-13; თამაშგარე: 1-3; კარში დარტყმა: 10-18 (7-6); ბურთის ფლობა: 39%-61%.
მაყურებელი: 51 000
ესპანიოლი-ბილბაო 3:3
ესპანიოლი (4-2-3-1): კ. ალვარესი - ხ. ლოპესი, რ. როდრიგესი, მორენო, კაპდევილა (74. ტეხერა) - ფორლინი, ვ. სანჩესი - რუი ფონტე (65. სტუანი), ვერდიუ, ვაკასო (82. ვ. ალვარესი) - ლონგო.
ბილბაო (4-2-3-1): ირაისოსი - ირაოლა, გურპეგი, ამორებიეტა, ი. პერესი (40. სან ხოსე) - იტურასპე, დე მარკოსი (46. ი. გომესი) - სუსაეტა, მუნიაინი, ი. ლოპესი (68. ფ. ლორენტე) - ადურისი.
გოლები: 1:0 ხ. ლოპესი (18), 2:0 ვერდიუ (44), 2:1 ადურისი (55), 2:2 ლორენტე (66), 3:2 ლონგო (80), 3:3 ადურისი (85)
გაფრთხილება: ლონგო, როდრიგესი, ფორლინი, ვერდიუ - მუნიაინი, ი. პერესი, გურპეგი, სან ხოსე, ამორებიეტა
გაძევება: ლონგო (81)
კუთხური: 3-4; ჯარიმა: 27-20; თამაშგარე: 1-1; კარში დარტყმა: 15-16 (5-7); ბურთის ფლობა: 38%-62%.
მაყურებელი: 22 000
გრანადა-დეპორტივო 1:1
გრანადა (4-2-3-1): ტონიო - ნიომი, ი. ლოპესი, მაინსი, სიკეირა - ირინეი, მ. რიკო (71. ხაიმე) - ტორჟე, ელ-არაბი (46. ბრაჰიმი), ორელიანა (78. მაჩისი) - ფლორო ფლორესი.
დეპორტივო (4-2-3-1): არანსუბია - მ. პაბლო, აიტამი, მარჩენა, ევალდო - ხ. დომინგესი, ა. აგილარი - გამა (72. აიოსე), პიცი, კამუნიასი (58. ბერგანტინიოსი) - რიკი (38. ოლივეირა).
გოლები: 0:1 ოლივეირა (41), 1:1 ფლორო ფლორესი (81)
გაფრთხილება: სიკეირა, ტონიო, ხაიმე - პაბლო, ევალდო, არანსუბია, აიტამი
კუთხური: 7-4; ჯარიმა: 17-14; თამაშგარე: 8-1; კარში დარტყმა: 13-14 (2-5); ბურთის ფლობა: 57%-43%.
მაყურებელი: 18 600
ოსასუნა-მალიორკა 1:1
ოსასუნა (4-2-3-1): ა. ფერნანდესი - ბერტრანი, ოიერი, ფლანიო, დამია - ლოლო, ტიმორი - სეხუდო (85. ნინო), სისი (67. ლამა), არმენტეროსი (57. კიკე სოლა) - ხ. ლორენტე.
მალიორკა (4-2-3-1): ავატე - ჩ. ნავარო (73. არისმენდი), ნუნიეში, ა. კონსეისაო, ა. ლოპესი - პინა (65. ჟოაო ვიქტორი), ხ. მარკესი - ნსუე, ალფარო (41. ჟერომელი), მ. პერეირა - ჰემედი.
გოლები: 1:0 კიკე სოლა (69), 1:1 ჰემედი (78)
გაფრთხილება: ოიერი, დამია - ჟერომელი
გაძევება: ხ. ლორენტე (34), ნუნიეში (34)
კუთხური: 14-7; ჯარიმა: 11-11; თამაშგარე: 2-2; კარში დარტყმა: 20-7 (7-3); ბურთის ფლობა: 61%-39%.
მაყურებელი: 19 000
სოსიედადი-სარაგოსა 2:0
რეალ სოსიედადი (4-2-3-1): ბრავო - ესტრადა, მ. გონსალესი, ი. მარტინესი, დე ლა ბელა - ბერგარა, ილარამენდი - ველა (84. იფრანი), ზურუტუზა (77. ხ. რიოსი), გრიზმანი - აგირეჩე (82. ხოსე ანხელი).
სარაგოსა (4-2-3-1): რობერტო - სეპუნარუ, ალვარო, პარედესი, აბრაამი - სუკულინი (62. აპონიო), ხოსე მარი - ე. ორიოლი (63. არანდა), ბაბოვიჩი (74. ხავი ალამო), მონტანიესი - პოშტიგა.
გოლები: 1:0 ი. მარტინესი (55), 2:0 ველა (61-პენ)
გაფრთხილება: დე ლა ბელა, ბერგარა, ველა, გრიზმანი - პარედესი, აბრაამი
კუთხური: 3-5; ჯარიმა: 13-17; თამაშგარე: 2-2; კარში დარტყმა: 7-12 (3-2); ბურთის ფლობა: 52%-48%.
მაყურებელი: 25 500
ატლეტიკო-ვალეკანო 4:3
ატლეტიკო (4-4-2): კურტუა - ხუანფრანი, მირანდა, გოდინი, ფილიპე ლუიში - არდა თურანი (66. ადრიან ლოპესი), მ. სუარესი (62. ტიაგო), გაბი, კოკე - დ. კოშტა (56. კ. როდრიგესი), ფალკაო.
რაიო ვალეკანო (3-4-3): დანი - ტიტო, ამატი, კასადო - პიტი (53. ლ. ბანგურა), ფუეგო, ტრაშორასი, ადრიანი (69. დელიბაშიჩი) - ლეო კარილიო, ბილე-ნილსენი (), ხოსე კარლოსი.
გოლები: 1:0 მ. სუარესი (29), 2:0 კოკე (49), 3:0 არდა თურანი (51), 4:0 ფალკაო (55), 4:1 დელიბაშიჩი (82), 4:2 დელიბაშიჩი (85), 4:3 ლეო კარილიო (89)
გაფრთხილება: ხოსე კარლოსი, ფუეგო, ადრიანი, ტრაშორასი
კუთხური: 5-5; ჯარიმა: 15-13; თამაშგარე: 1-0; კარში დარტყმა: 10-11 (5-6); ბურთის ფლობა: 42%-58%.
მაყურებელი: 40 000
ვალიადოლიდი-ბეტისი დღეს. 23:30
სატურნირო მდგომარეობა
| ა | გუნდი | თ | მ | ფ | წ | ბ | ქ |
| 1. | ბარსელონა | 4 | 4 | 0 | 0 | 12-3 | 12 |
| 2. | მალაგა | 4 | 3 | 1 | 0 | 6-2 | 10 |
| 3. | მალიორკა | 4 | 2 | 2 | 0 | 5-3 | 8 |
| 4. | სევილია | 4 | 2 | 2 | 0 | 4-2 | 8 |
| 5. | ატლეტიკო | 3 | 2 | 1 | 0 | 9-4 | 7 |
| 6. | ვალეკანო | 4 | 2 | 1 | 1 | 6-5 | 7 |
| 7. | დეპორტივო | 4 | 1 | 3 | 0 | 7-5 | 6 |
| 8. | ვალიადოლიდი | 3 | 2 | 0 | 1 | 3-2 | 6 |
| 9. | სოსიედადი | 4 | 2 | 0 | 2 | 5-7 | 6 |
| 10. | ვალენსია | 4 | 1 | 2 | 1 | 6-6 | 5 |
| 11. | რეალი | 4 | 1 | 1 | 2 | 5-4 | 4 |
| 12. | ხეტაფე | 4 | 1 | 1 | 2 | 5-8 | 4 |
| 13. | ლევანტე | 4 | 1 | 1 | 2 | 5-8 | 4 |
| 14. | ბილბაო | 4 | 1 | 1 | 2 | 8-12 | 4 |
| 15. | ბეტისი | 2 | 1 | 0 | 1 | 6-5 | 3 |
| 16. | სელტა | 4 | 1 | 0 | 3 | 4-5 | 3 |
| 17. | სარაგოსა | 4 | 1 | 0 | 3 | 2-5 | 3 |
| 18. | გრანადა | 4 | 0 | 2 | 2 | 2-6 | 2 |
| 19. | ესპანიოლი | 4 | 0 | 1 | 3 | 7-10 | 1 |
| 20. | ოსასუნა | 4 | 0 | 1 | 3 | 2-7 | 1 |
ბომბარდირები
6 - ლიონელ მესი (ბარსელონა); 4- ტომერ ჰემედი (მალიორკა), რადამელ ფალკაო (ატლეტიკო); 3 - არიც ადურისი (ბილბაო), გონსალო იგუაინი (რეალი), ხორხე მოლინა (ბეტისი).
მომდევნო ტური
22 სექტემბერი: სარაგოსა-ოსასუნა, სელტა-ხეტაფე, ბეტისი-ესპანიოლი, ბარსელონა-გრანადა.
23 სექტემბერი: მალიორკა-ვალენსია, ლევანტე-რეალ სოსიედადი, ატლეტიკო-ვალიადოლიდი, ბილბაო-მალაგა, რაიო ვალეკანო-რეალი.
24 სექტემბერი: დეპორტივო-სევილია.
ყოველდღიური სპორტული გაზეთი "ლელო"
