ესპანური "მარკა" ირწმუნება, რომ ის შესაძლოა, მსოფლიოში ყველაზე დაბალანაზღაურებადი მეკარეა, მაგრამ, რა თქმა უნდა, გამოცემა აბუქებს - დედამიწაზე არსებობენ ქვეყნები, სადაც თვეში ასი ევრო მართლაც კარგი ანაზღაურებაა, მაგრამ ესპანეთში? ლა ლიგაში? დიახ, "გრანადას" მესამე გოლკიპერი ხორხე სანჩესი, რომელიც 19 წლისაა, თვეში სულ რაღაც 100 ევროს იღებს. შაბათს ეს ფეხბურთელი "ბარსელონასთან" მატჩის განაცხადში იქნება, "კამპ ნოუზე"! ანდალუსიელთა მეორე მეკარემ, რობერტომ მუხლი იტკინა და ფეხბურთს რამდენიმე კვირით დააკლდება. ამის გამო წინა ტურში "დეპორტივოსთან" მატჩში ტონიოს შემცვლელად სკამზე ხორხე სანჩესი იჯდა.
ყველაზე მაგარი
(იბეჭდება მცირე ცვლილებით)
ყოველდღიური სპორტული გაზეთი "ლელო"
