მადრიდის "რეალის" თავდამსხმელს კრიშტიანო რონალდოს ეჭვი არ ეპარება, რომ მის გუნდს მოახლოებულ კლასიკოში "ბარსელონას" დამარცხება შეუძლია.შეგახსენებთ, რომ ორ გრანდს შორის მორიგი დაპირისპირება 7 ოქტომბერს "კამპ ნოუს" სტადიონზე გაიმართება.
"ბარსელონას სიძლიერე ვიცით, მაგრამ ჩვენს გუნდს კატალონიელები საკუთარ მოედანზე უკვე დაუმარცხებია. ჩვენთვის ეს ძალიან მნიშვნელოვანი მატჩია და საკუთარი ძალების უნდა გვჯეროდეს, რათა სათანადო დონის თამაში ვაჩვენოთ", - განაცხადა რონალდომ.
პორტუგალიელმა ფეხბურთელმა დასძინა, რომ "სამეფო კლუბმა" "დეპორტივოსთან" პრიმერადივიზიონის მეექვსე ტურის მატჩში კარგად ითამაშა. თავად რონალდომ ჰეთ თრიქი შეასრულა.
