მადრიდის "ატლეტიკოს" თავდამსხმელმა რადამელ ფალკაომ განაცხადა, რომ კლუბის შეცვლასა და საკუთარი შესაძლებლობების სხვა ჩემპიონატში გამოცდაზე ჯერ მხოლოდ ოცნებობს.სულ ახლახან goal.com-მა გაავრცელა ცნობა, რომ კოლუმბიელი ფორვარდისადმი ინტერესს ჩემპიონთა ლიგის გამარჯვებული ლონდონის "ჩელსი" იჩენს, რომელიც მზადაა, ფეხბურთელის სანაცვლოდ 60 მილიონი ევრო გაიღოს. "ლურჯების" გარდა, ფალკაოს თავის რიგებში ხილვა "მანჩესტერ სიტისა" და პსჟ-საც სურთ.
"სხვა ჩემპიონატსა თუ სხვა კლუბში თამაშის შანსი მერეც მექნება, ჯერჯერობით კი ამაზე მხოლოდ ვოცნებობ. პრემიერლიგა - საინტერესო ვარიანტია, მაგრამ მე ჯერ სამწლიანი კონტრაქტი მაქვს "ატლეტიკოსთან", - თქვა ფალკაომ.
"მიზეზი, რის გამოც ევროპალიგაზე არ ვთამაშობ, დიეგო სიმეონეს გადაწყვეტილებაა და ის სულაც არ უკავშირდება იმას, რომ თითქოს იანვარში კლუბი უნდა დავტოვო", - თქვა რადამელმა.
