6 თებერვალს დოჰაში მსოფლიოს ჩემპიონმა ესპანეთის ნაკრებმა 3:1 დაამარცხა ურუგვაის გუნდი. ესპანელთაგან განსაკუთრებით პედრო როდრიგესი გამოირჩა, რომელმაც დუბლი შეასრულა.
მატჩის შემდეგ მედიას ესპანელთა თავკაცი ვისენტე დელ ბოსკე გაესაუბრა:
პედროს შესახებ
"პედრომ ძალიან დიდი როლი იკისრა დღევანდელ მოგებაში. ის ძალიან დინამიკურია, სწრაფია, რაც თანამედროვე ფეხბურთში აუცილებელი პირობა გახდა და ყოველთვის იცის, მოცემულ მომენტში რა მოიმოქმედოს. პირველ ტაიმში სწორედ ეს შემართება გვაკლდა, მეორეში კი პედრომ ეს დანაკარგი აგვინაზღაურა".
სამი დებიუტანტის შესახებ
"ასპილიკუეტა, სუარესი და ისკო ის ხალხია, რომელთაც მომავალში უნდა გააძლიერონ ჩვენი
თამაშის შეფასება
"ესპანეთის ნაკრები მომენტებში კარგ ფეხბურთს თამაშობდა. მეტოქე ძალიან კარგ დაცვას გვეთამაშებოდა, ამიტომაც გაძნელდა შეტევები. თანაც, ურუგვაელთა კონტრშეტევები სახიფათო იყო, ამიტომაც უკანმოუხედავად ვერც შევუტევდით".
მომავალ დაპირისპირებაზე ურუგვაისთან
"ურუგვაის ჩვენ კიდევ გადავეყრებით - კონფედერაციათა თასზე. ურუგვაი ძალიან რთული მეტოქეა, დაცვაში კარგი და შეტევაში ძალზე სახიფათო. ძალიან მნიშვნელოვანია, ნელ-ნელა ახალი ფეხბურთელებიც შევაჩვიოთ ნაკრებს, რომ გუნდმა არ დაკარგოს ტონუსი და საბრძოლო ჟინი. არა აქვს მნიშვნელობა თამაში ამხანაგური იქნება თუ ოფიციალური".
მარტის ოფიციალურ მატჩებზე
"ორნახევარი თვე არ შევკრებილვართ აქამდე. ახლა კიდევ 6 კვირაა ფინელებთან მატჩამდე. ამ კუთხით, ძალიან მნიშვნელოვანი იყო დღევანდელი თამაში. არ უნდა დაგვავიწყდეს, რა გველის მარტში: ორი ძალიან მძიმე მატჩი. თუკი გუნდში ფეხბურთელები კარგად შეეწყობიან ერთმანეთს, წარმატება არ დაახანებს. მინდა ვთქვა, რომ გუნდში ყველა ფეხბურთელი ისე იქცევა, როგორც ნაკრების მოთამაშეს შეეფერება".
ყატარის შესახებ
"ჩვენ გაოცებულნი და მოხიბლულნი ვართ იმით, რაც ვნახეთ ყატარში. საკვირველია, რა მაღალ დონეზეა აქაური ინფრასტრუქტურა, რა მაღალი დონის პროფესიონალები მუშაობენ სპორტის სფეროში, რაც ძალზე მნიშვნელოვანია. რაც შეეხება მოედანს - ის, უბრალოდ, ბრწყინვალე იყო".
Video
ესპანეთი - ურუგვაი 3:1
ესპანეთი - ურუგვაი 3:1
ასევე იხილეთ:
ამხანაგური მატჩები: საფრანგეთი საქართველოს ნირწამხდარი დაუხვდება [VIDEO]
