26 თებერვლის კლასიკოს, "ბარსელონას" და "რეალის" სათასო დაპირისპირებას, მადრიდელთა საპატიო პრეზიდენტი ალფრედო დი სტეფანო ეხმიანება."რეალის" ლეგენდამ მომავალ მატჩზე ილაპარაკა: "მეკითხებით, კრიშტიანო რონალდო აჯობებს თუ ლეო მესი? ჩემი აზრით, ამ კითხვის პასუხი არაფერ შუაშია მატჩის ბედთან - შეუძლებელია, "ბარსელონას" და "რეალის" დაპირისპირება ორი, თუნდაც ძალიან მაგარი ფეხბურთელის დუელმა გადაწყვიტოს. ზოგადად ფეხბურთში, და ამ დაპირისპირებაში განსაკუთრებით, თითოეული ფეხბურთელის თამაშს ექნება დიდი მნიშვნელობა. ყველაფერი "კამპ ნოუზე" გამოჩნდება.
ჩემპიონატში სხვაგვარი სიტუაციაა, "რეალი" ძალიან ჩამორჩა. ჩემი აზრით, "რეალმა" უნდა განაგრძოს ყოველ მატჩში მოსაგებად გასვლა",
შეგახსენებთ, რომ ალფრედო დი სტეფანო კლასიკოების ყველა დროის საუკეთესო ბომბარდირია 18 გოლით, თუმცა დღეს ლეო მესის კარგი შანსი აქვს, დაეწიოს "რეალის" ლეგენდას – არგენტინელის ანგარიშზე 17 კლასიკოური გოლია.
ასევე იხილეთ:
რატომ ურჩევნია დი სტეფანოს რონალდო მესის
ვისენტე დელ ბოსკე: ბარსელონაში ყველაფერი შეიძლება მოხდეს
ბარსელონა VS რეალი - ღამის ბარსელონა საშიშია
