17-19 მაისს ესპანეთის თასის ფინალი უნდა გაიმართოს, რომელშიც ერთმანეთს "ატლეტიკო" და "რეალი" შეხვდებიან. როგორც თარიღი, ასევე დასაზუსტებელია ფინალის გამართვის ადგილიც და კლუბები ამას მომდევნო კვირაში გააკეთებენ. მანამდე კი "რეალის" გულშემატკივართა გამოკითხვამ ანახა, რომ ისინი მხარს ბარსელონის "კამპ ნოუს" ან ვალენსიის "მესტალიას" უჭერენ.
აი, "ატლეტიკოს" პრეზიდენტმა ენრიკე სერესომ, ერთი შეხედვით, საოცარი რამ თქვა - კლუბის ბოსი მატჩის "ატლეტიკოს" მოედანზე გამართვას ითხოვს!
"ეს კლუბებს შორის ისტორიული შეთანხმების საფუძველზე უნდა მოხდეს. ჩვენ კიდევ, არ უნდა დავარღვიოთ შეთანხმება, "ატლეტიკო" და "რეალი" მონაცვლეობით თამაშობდნენ ერთმანეთის მოედნებზე - ბოლო სათასო ფინალი კი "სანტიაგო ბერნაბეუზე" გაიმართა. ახლა "ვისენტე კალდერონის" ჯერია", - განაცხადა სერესომ.
ასევე იხილეთ:
ესპანეთის სამეფო თასის ფინალს ხელს... "ევროვიზია" უშლის
