ბილბაოს "ატლეტიკის" ხელმძღვანელობამ გადაწყვიტა აღარ გაუგრძელოს კონტრაქტი არგენტინელ მწვრთნელ მარსელო ბიელსას."ჩვენ მივიჩნევთ, რომ ახლა "ატლეტიკის" ინტერესებში ცვლილებებია. ვინ შეცვლის მარსელო ბიელსას, ჯერ არ გადაგვიწყვეტია", - განაცხადა "ბილბაოს" პრეზიდენტმა ჟოზე ურუტიმ.
ბიელსა 2 სეზონი ხელმძღვანელობდა ბასკურ გუნდს, პირველში მან გუნდი ევროპალიგის და ესპანეთის თასის ფინალში გაიყვანა, მეორეში კი "ატლეტიკი" ყველა ფრონტზე ჩაფლავდა. ლა ლიგაში გუნდმა მე-12 ადგილი დაიკავა.
სხვათა შორის, გუნდიდან გაუშვეს ლა ლიგის კიდევ ერთი მწვრთნელი - "ლევანტემ" ხუან იგნასიო მარტინესი გაუშვა. მის ნაცვლად კი ხოაკინ კაპაროსი დანიშნა.
!["ატლეტიკოს" ფანებმა უილიამსს მაიმუნი უწოდეს, სამ წუთში კი გოლი გაიტანა და ორიგინალურად აღნიშნა [VIDEO]](/pictures/image7/c521accf31dea814bd245d2cfba1e9df.png "\"ატლეტიკოს\" ფანებმა უილიამსს მაიმუნი უწოდეს, სამ წუთში კი გოლი გაიტანა და ორიგინალურად აღნიშნა [VIDEO]")
