უალკოჰოლო სასმელების მწარმოებელი "კოკა-კოლა" მადრიდის "რეალის" ხელმძღვანელობას წელიწადში 80 მილიონ ევროს სთავაზობს, თუკი სტადიონის "სანტიაგო ბერნაბეუს" სახელწოდებაში "კოკა-კოლას" შეტანის უფლებას მიიღებს.მანამდე ვრცელდებოდა ინფორმაცია, რომ მადრიდელები მსგავსი გარიგების დადებას კომპანია "მაიკროსოფტთან" აპირებდნენ, თუმცა საბოლოოდ მხარეები თანამშრომლობაზე ვერ შეთანხმდნენ. კომპანია მისი სახელის სტადიონისთვის დარქმევაში 50 მლნ-ს იხდიდა.
"სამეფო კლუბი" და მისი პრეზიდენტი ფლორენტინო პერესი კარგა ხანია ეძებენ სპონსორს, რომელიც "სანტიაგო ბერნაბეუს" რეკონსტრუქციაში ფულს ჩადებს. ხარჯები, წინასწარი გათვლებით, 350-იდან 550 მილიონ ევრომდე განისაზღვრება.
"სამეფო კლუბის" 13 სპონსორიდან ერთ-ერთი "კოკა-კოლაა".
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
