ესპანეთის ჩემპიონატის მე-20 ტურში მადრიდის "რეალმა" სტუმრად სევილიაში, 5:0 გაანადგურა აუტსაიდერი "ბეტისი".მე-10 წუთზე კრიშტიანო რონალდომ ყუმბარისებული დარტყმით გახსნა ანგარიში. ამის მერე მსოფლიოს ყველაზე ძვირადღირებული ფეხბურთელის დრო დადგა - გარეთ ბეილმა დიდებულად შეასრულა საჯარიმო დარტყმა.
ანგარიში გამანადგურებელი ქარიმ ბენზემამ გახადა ლუკა მოდრიჩის პასით. ეს ფრანგის მე-100 გოლი იყო "რეალის" მაისურით.
62-ე წუთზე კუთხურის გათამაშებას ანხელ დი მარიას შორეული დარტყმა მოყვა. ბოლოს "რეალმა" შესანიშნავი კომბინაცია გაითამაშა, კრიშტიანო რონალდომ საგოლე პასი მაკრატელათი შეასრულა, გოლი კი ალვარო მორატამ გაიტანა.
მადრიდის "რეალს" 50 ქულა
კარლო ანჩელოტი (რეალი): "ბეილმა შესანიშნავად ითამაშა, თუმცა იგივეს თქმა ნებისმიერ რეალელზე შეიძლება. თავიდან ცოტა გაგვიჭირდა, მაგრამ შემდეგ ყველაფერი გამოგვივიდა. პირველმა გოლმა ყველაფერი შეცვალა. მეტი სივრცე გაგვიჩნდა, "ბეტისი" უტევდა და ამით ჩვენ საპასუხოდ მეტი შანსი გვექმნებოდა. საერთო ჯამში, კარგად ვითამაშეთ - უამრავი საგოლე მომენტი შევქმენით".
იხილეთ ვიდეო
![დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]](/pictures/image7/b2cfc17d1326622d84ca254c293266ad.jpg "დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]")
