10 რეკორდი, რომლის დამყარებაც ლიონელ მესის კიდევ შეუძლია

1. ყველაზე მეტი გოლი ჩემპიონატში ერთი კლუბის მაისურით
ფერნანდო გომეშმა "პორტუს" მაისურით პორტუგალიის ჩემპიონატში 288 გოლი გაიტანა, ეუსებიომ 319-ჯერ გაიტანა "ბენფიკას" რიგებში, გერდ მიულერმა კი - 365 "ბაიერნში". ევროპული რეკორდი კი "ჰამბურგის" ლეგენდა უვე ზეელერს ეკუთვნის - 404 გოლი 476 მატჩში.

2. ყველაზე მეტი ჰეთ თრიკი ესპანურ გუნდებში
ლეოს ჰეთ თრიკი აპოელ-თან მისთვის 28-ე იყო "ბარსელონურ" კარიერაში. აქედან 20 ლა ლიგაზე მოდის. დი სტეფანოს, ზარას და კრიშტიანო რონალდოს 22-22 ჰეთ თრიკი აქვთ.

3. არგენტინის ნაკრების ყველა დროის ბომბარდირი
მესიმ 96 სანაკრებო მატჩში 45 გოლი გაიტანა, შარშან მან დიეგო მარადონას გაუსწრო, მაგრამ წინ რჩება გაბრიელ ბატისტუტა 56 გოლით (78 მატჩში).

4. ყველაზე მეტი გოლი ევროთასებზე
ამ მაჩვენებლით, რაული ჯერ კიდევ უსწრებს ლეოს - 76 გოლი 75-ის წინააღმდეგ.

5. ყველაზე მეტი გოლი სამეფო თასზე
ესპანეთის თასზე მესიმ 29 გოლი გაიტანა, ზარამ კი - 81! 27 წლის ასაკში არგენტინელისთვის შეუძლებელი მოჩანს კიდევ 52 გოლის გატანა.

6. ლა ლიგაში ჩატარებული თამაში ერთი გუნდის შემადგენლობაში
11 სეზონის განმავლობაში მესიმ 289 მატჩში ითამაშა. რაულის რეკორდი 550 მატჩია. ლეომ კიდევ 7 სრულფასოვანი სეზონი უნდა ითამაშოს "ბარსელონაში", რომ ეს მიღწევა გააუმჯობესოს.

7. ლა ლიგის ტიტულები ბარსელონასთან ერთად
მესი ლა ლიგის ჩემპიონი 6-ჯერ გახდა. ჩავი - 7-ჯერ.

8. ყველაზე მეტი პიჩიჩის პრიზი
ლა ლიგის ბომბარდირი მესი სამჯერ გახდა, ზარა - 6-ჯერ.

9. ყველაზე მეტი გოლი ჩემპიონთა ლიგის ერთ სეზონში
2011/12 წლების სეზონში მან 15 გოლი გაიტანა. რეკორდი კრიშტიანოს ეკუთვნის - შარშანდელ სეზონში პორტუგალიელმა 17 გოლი გაიტანა.

10. ევროპაში ყველაზე მეტი გოლი ერთ სეზონში
ლეომ 2011/12 წლების სეზონში ლა ლიგაში 50 გოლი გაიტანა. რეკორდი ეკუთვნის ფერენც დეაკს, რომელმაც უნგრულ "სენტლორინჩის" რიგებში 1945/46 წლების სეზონში 66 გოლი გაიტანა.

ყოველკვირეული ჟურნალი "ლელო week"