მადრიდის "რეალის" გენერალურმა დირექტორმა ხორხე ვალდანომ განაცხადა, რომ იანვარში კლუბი ერთ ფეხბურთელსაც არ გაყიდის. არგენტინელმა ფუნქციონერმა განსაკუთრებით გაამახვილა ყურადღება კაკას შესაძლო გასხვისებაზე და ამის პერსპექტივა გამორიცხა. იანვრის თვეში "რეალიდან" წასვლის კანდიდატები არიან: კაკა, სერხიო კანალესი, მაჰამადუ დიარა, ლასანა დიარა და ესეკიელ გარაი. ვალდანომ აღნიშნა, რომ ეს ხუთეული "რეალში" რჩება.
ვალდანომ ჟოზე მოურინიოს ცუდი ამბავიც ამცნო - "რეალი" არ გაყიდის, მაგრამ არც შეიძენს. ყოველ შემთხვევაში, ტრავმირებული გონსალო იგუაინის ნაცვლად ფორვარდის დამატებას არ აპირებენ. არადა, პორტუგალიელი უპირველესად ამას ითხოვდა ხელმძღვანელობისგან. "ყველაფერი ძველებურად
ამით არგენტინელს სურდა ბოლო მოეღო იმ ჭორებისთვის, რაც ბოლო დროს ვრცელდება ესპანურ თუ იტალიურ მედიაში, რამდენად გამოუვიდა, უახლოესი დღეები გვიჩვენებს.
სხვათა შორის, ვალდანომ "ოქროს ბურთის" ყველაზე ღირსეულ ნომინანტად ბარსელონელი ჩავი დაასახელა და სურვილი გამოთქვა, ტიტული სწორედ ჩავიმ მოიგოს: "სამივე კანდიდატი ვირტუოზია, მაგრამ წლეულს ჩავიმ ყველაზე სტაბილურად ითამაშა და პრიზიც მას ეკუთვნის".
