ესპანეთი. ლა ლიგა. XVI ტურის წინ: 2014 "რეალისაა", 2015 "ბარსასი" იქნება?

ფოტოზე: პედრო როდრიგესმა ჰეთ-თრიკით თამამი განაცხადი გააკეთა ლა ლიგაში სასტარტო შემადგენლობაში მოხვედრაზე

მადრიდის "რეალისა" და "სევილიას" დაპირისპირება მოგვიანებით გაიმართება. მიზეზი მსოფლიოს საკლუბო ჩემპიონატია, რომლის ფინალშიც "სამეფო კლუბია" გასული.

როგორ ემზადება კარლო ანჩელოტის გუნდი იმ თამაშისთვის, სხვა სტატიაში შეიტყობთ, აქ კი ლა ლიგის დანარჩენი 9 თამაშის შესახებ ვიტყვით - მოიგებს თუ არა "ბარსელონა", "რეალი" მაინც პირველი დაასრულებს 2014 წელს, რადგან ამ ორ გრანდს შორის სხვაობა 4 ქულაა.

მართალია, ლუის ენრიკეს გუნდი ვერაფრით დაეწევა "რეალს", მაგრამ მოგების შემთხვევაში, ქულამდე მიუახლოვდება. "ბარსა" "კორდობასთან" დაპირისპირების აშკარა ფავორიტია. 40 წელზე მეტია, ანდალუსიურ კლუბს "კამპ ნოუზე" თამაში არ ღირსებია ლა ლიგაში.

"კორდობა" პრიმერადან 42 წლის წინ გავარდა. 196-72 წლების შუალედში ანდალუსიელები პრიმერაში 8-ჯერ ეწვივნენ "კამპ ნოუს" და რვავე ბრძოლა წააგეს.

მოკლედ, ყველა ფაქტორი "ბარსას" სასარგებლოდ ლაპარაკობს, მათ შორის, ბოლო მათი დაპირისპირებაც სათასო მატჩში - 2013 წელს კოპაზე "ბარსამ" სეგუნდას ბინადარ "კორდობას" 5:0 მოუგო.

ამ მატჩამდე "ბარსა" სამეფო თასის მერვედფინალში გავიდა. ლუის ენრიკეს გუნდს პირველი შეხვედრა 4:0 ჰქონდა მოგებული და "რეკრეატივო" არც საპასუხოში დაენანა - 8:1 მოუგო, ხოლო პედრო როდრიგესმა ჰეთ-თრიკი შეასრულა.

ამით მან თამამი განაცხადი გააკეთა ლა ლიგაში სასტარტო შემადგენლობაში მოხვედრაზე. ფაქტია, ლუის სუარესი ჯერ უკბილოდ თამაშობს კატალონიურ გრანდში, ხოლო ნეიმარის თამაში საეჭვოა.

"უესკასთან" მატჩში "ბარსას" გოლკიპერის, ჟორდი მასიპის დებიუტი შედგა, რომელიც გუნდში მესამე მეკარეა. "კორდობასთან" შეხვედრაში კარს ისევ კლაუდიო ბრავო დაუბრუნდება.

ხუთშაბათის ვარჯიშზე არც ნეიმარი ყოფილა და არც დანი ალვეში. ბრაზილიელმა ფორვარდმა კოჭი "ხეტაფესთან" თამაშამდე დაიზიანა, ხოლო მისმა თანამემამულე მცველმა ბარძაყი - "ხეტაფესთან" მატჩისას.

"2014 წელი საკმაოდ რთული წელიწადი გამოდგა ჩვენთვის, მაგრამ დარწმუნებული ვარ, წინ ფანტასტიკური თვეები გველის. ჩვენ ძალიან იმედიანად ვართ განწყობილნი, გვჯერა ლუის ენრიკესი და 2015 წელი მისი წელი იქნება", - ეს სიტყვები "ბარსელონას" პრეზიდენტმა ხოსეპ მარია ბარტომეუმ შობისთვის მიძღვნილ სპეციალურ საკლუბო ვახშამზე თქვა.

მადრიდის "ატლეტიკო" დიდებულ წელიწადს "სან მამეს ბარიაზე" დაასრულებს და სწორედ ორი ათლეტური კლუბის დაპირისპირებაა ცენტრალური ტურში.

გაგახსენებთ, რომ "ატლეტიკო" ბილბაოს "ატლეტიკის" ფანმა სამმა სტუდენტმა დააარსა მადრიდში. ასე რომ, "ატლეტიკოს" ბასკური ფესვები აქვს.

დიდებული წელიწადი ვახსენეთ და მართლაც, დიეგო სიმეონეს გუნდმა დიდებულ შედეგებს მიაღწია 2014-ში - ესპანეთის ჩემპიონი გახდა და ჩემპიონთა ლიგის ფინალში გავიდა.

ამასობაში, პოლიციამ კიდევ 16 ფანი დააკავა, რომლებიც "ატლეტიკოსა" და "დეპორტივოს" ფანებს შორის მასობრივ ჩხუბში მონაწილეობდნენ და რომელმაც ერთი გალისიელი გულშემატკივრის სიკვდილი გამოიწვია.

ამბობენ, რომ დაჭერები კიდევ გაგრძელდება.

ბოლო ტურში "ხეტაფემ" "ბარსელონას" ქულები დააკარგვინა. რუმინელი მწვრთნელით, კოსმინ კონტრათი კლუბში ყველა კმაყოფილი იყო, თუმცა "გრანადასთან" მადრიდულ კლუბს კონტრა აღარ გაწვრთნის.

საქმე იმაშია, რომ კონტრას "გუანჯოუ ფული" ეპატიჟებოდა და იქ გადავიდა, რაშიც დიდი წვლილი თავად "ხეტაფეს" ხელმძღვანელობას მიუძღვის.

მოკლედ, რუმინელი სპეციალისტი გაყიდეს იმ პირობებით, რომ ორი წლის მერე უკან დაიბრუნებენ. თავი და თავი ამ აბრაკადაბრის "ხეტაფეს" მძიმე ფინანსური სიტუაციაა.

ესპანეთი. ლა ლიგა. XVI ტური
პარასკევი. 19 დეკემბერი
სელტა-ალმერია 0:1
გოლი: 0:1 ტომერ ჰემედი (17)

შაბათი. 20 დეკემბერი
ბარსელონა-კორდობა 19:00
დისკვალიფიკაცია: არავინ
ტრავმა: ვერმალენი, ალვეში (?), ნეიმარი (?) - ჰავენაარი (?), ბუსონი, კარტაბია (?)
ბოლო 6 მატჩი
+4=1-1 +1=3-2
ურთიერთშეხვედრები
სულ 2 თამაში: +2=0-0, (7-0)

ლევანტე-სოსიედადი 21:00
დისკვალიფიკაცია: არავინ
ტრავმა: როდასი - გრანერო, მარტინესი (?), აგირეჩე, ელუსტონდო (?), გონსალესი (?), ზალდუა (?)
ბოლო 6 მატჩი
+2=3-1 +2=2-2
ურთიერთშეხვედრები
სულ 16 თამაში: +7=6-3, (20-16)

ეიბარი-ვალენსია 23:00
დისკვალიფიკაცია: გომეში (ვალ)
ტრავმა: ბერხონი (?), ხიმენესი (?) - იბანიესი, კოშტა
ბოლო 6 მატჩი
+3=1-2 +2=2-2
ურთიერთშეხვედრები
არ უთამაშიათ

ვალეკანო-ესპანიოლი 01:00
დისკვალიფიკაცია: კანიასი (ესპ)
ტრავმა: ფატაუ, კობენიო, კასტრო - კაისედო (?), ფუენტესი (?)
ბოლო 6 მატჩი
+2=0-4 +2=1-3
ურთიერთშეხვედრები
სულ 20 თამაში: +4=6-10, (21-39)

კვირა. 21 დეკემბერი
ვილიარეალი-დეპორტივო 15:00
დისკვალიფიკაცია: ლუიზინიო (დეპ)
ტრავმა: მუსაჩიო, კანი (?), იოკიჩი, პერესი - ლუკასი
ბოლო 6 მატჩი
+4=1-1 +1=2-3
ურთიერთშეხვედრები
სულ 24 თამაში: +9=4-11, (26-32)

გრანადა-ხეტაფე 20:00
დისკვალიფიკაცია: ხუან კარლოსი (გრ)
ტრავმა: როჩინა, მაჩისი, სილვესტრი (?) - ელუსტონდო (?)
ბოლო 6 მატჩი
+0=3-3 +1=3-2
ურთიერთშეხვედრები
სულ 6 თამაში: +2=2-2, (8-8)

ელჩე-მალაგა 22:00
დისკვალიფიკაცია: სუარესი - ველიგტონი, სამუელი, როსალესი
ტრავმა: ხიმენესი, მუდინგაი (?), ერერა - პერესი (?), ფერეირა, ჩენი, სანჩესი, ხიმენესი (?)
ბოლო 6 მატჩი
+1=2-3 +4=0-2
ურთიერთშეხვედრები
სულ 6 თამაში: +3=0-3, (5-6)

ბილბაო-ატლეტიკო 00:00
დისკვალიფიკაცია: იტურასპე, ლაპორტი - კოკე, მანჯუკიჩი
ტრავმა: ირაოლა - ანსალდი
ბოლო 6 მატჩი
+3=2-1 +4=0-2
ურთიერთშეხვედრები
სულ 41 თამაში: +13=5-23, (50-73)

შენიშვნა: + მოგება, = ფრე, - წაგება () ბურთების სხვაობა
შენიშვნა: ურთიერთშეხვედრები ჩემპიონატისა და თასის მატჩებში 1994 წლიდან

ბომბარდირები: 25 - კრიშტიანო რონალდო (რეალი); 13 - ლიონელ მესი (ბარსელონა); 11 - ნეიმარი (ბარსელონა); 10 - კარლოს ბაკა (სევილია); 8 - ქარიმ ბენზემა (რეალი).

ყოველდღიური სპორტული გაზეთი "ლელო"