ესპანეთი. ლა ლიგა XVIII ტური: მადრიდის "რეალის" დამაჯერებელი გამარჯვება [VIDEO]

10 იანვარს ესპანეთის ჩემპიონატის 4 მატჩი გაიმართა.

მადრიდის "რეალმა" განწყობა მას მერე გამოიკეთა, რაც 3:0 გაანადგურა "ესპანიოლი". ანგარიში ჯეიმს (ხამეს) როდრიგესმა გახსნა, 28-ე წუთზე კი გარეთ ბეილისგან შესანიშნავი საჯარიმო დარტყმა ვიხილეთ - ბურთი ძელს მოხვდა და ისე გავიდა კარში.

53-ე წუთზე ფაბიო კოენტრაო ზღვარსგადასული უხეშობისთვის გააძევეს, თუმცა გოლი მაინც "რეალმა" გაიტანა, ალვარო არბელოამ ჩააწოდა და მცველმა ნაჩომ ანგარიშს წერტილი დაუსვა. "რეალი" ლიდერობას განაგრძობს.

ერთ-ერთ ეპიზოდში ბეილმა აშკარად დაინანა უკეთეს პოზიციაში მყოფი კრიშტიანო რონალდოსთვის პასის მიცემა, რის გამოც პორტუგალიელის უკმაყოფილება და ტრიბუნების სტვენა დაიმსახურა. სწორედ ამ ეპიზოდზე ისაუბრა "რეალის" მწვრთნელმა.

კარლო ანჩელოტი (რეალი): "არ არის არავითარი აუცილებლობა კრიშტიანოსა და გარეთს შორის უთანხმოებაზე ლაპარაკისთვის. ეს უბრალოდ სათამაშო ეპიზოდი იყო, რონალდო და ბეილი ერთმანეთს შესანიშნავად უგებენ. ალტრუიზმი ძალიან მნიშვნელოვანი ატრიბუტია გუნდისთვის".

"ვილიარეალი" სტუმრად დაუზავდა "მალაგას", პირველი ტაიმის მიწურულს ჯონათან დოს სანტოსმა საოცარი გოლი გაიტანა მახვილი კუთხიდან. მეორე ტაიმში "მალაგამ" კონტრშეტევაზე იხეირა, გოლი მაროკოელმა ნორდინ ამრაბატმა გაიტანა - 1:1.

"ვალენსია" ვიგოში "სელტას" ესტუმრა. თამაშის დასაწყისში დიეგო ალვეშმა პენალტი მოიგერია და ეს ბრაზილიელის მე-14 მოგერიებული პენალტია, ბოლო 25 წელიწადში პრიმერაში ეს საუკეთესო შედეგია.

43-ე წუთზე "ღამურები" როდრიგომ დააწინაურა, მაგრამ მეორე ტაიმში ფაბიან ორელიანამ, ვინც პირველში პენალტი ვერ გამოიყენა, გათანაბრება შეძლო - 1:1.

რეალი-ესპანიოლი 3:0
გოლები: 1:0 ჯ. როდრიგესი (12), 2:0 ბეილი (28), 3:0 ნაჩო (76)
გაძევება: ფ. კოენტრაო (53. რეალი)

მალაგა-ვილიარეალი 1:1
გოლები: 0:1 ჯონათან დოს სანტოსი (45), 1:1 ამრაბატი (60)

სელტა-ვალენსია 1:1
გოლები: 0:1 როდრიგო (43), 1:1 ორელიანა (61)

ეიბარი-ხეტაფე 2:1
გოლები: 1:0 მანუ დელ მორალი (33), 2:0 ანდერ კაპა (51), 2:1 დიეგო კასტრო (80)

1. რეალი - 42 ქულა; 2. ბარსელონა - 38; 3. ატლეტიკო - 38; 4. ვალენსია - 35; 5. სევილია - 33.