მადრიდის "რეალის" ფეხბურთელი კრიშტიანო რონალდო თანაქალაქელ "ატლეტიკოსთან" ესპანეთის თასის 1/8-ფინალურ საპასუხო მატჩს "ოქროს ბუცებით" ითამაშებს, - იტყობინება Mirror-ი.რონალდომ ახალი სათამაშო ბუცების ფოტო "ტვიტერზე" გამოაქვეყნა. ბუცები სპეციალურად კრიშტიანო რონალდოსთვის მესამე "ოქროს ბურთის" მოგების საპატივცემულოდ დაამზადეს.
შეგახსენებთ, რომ "რეალისა" და "ატლეტიკოს" შეხვედრა 15 იანვარს, "სანტიაგო ბერნაბეუზე" გაიმართება. პირველი მატჩი "ატლეტიკოს" გამარჯვებით, ანგარიშით 2:0 დასრულდა.
