"ბარსელონას" ბრაზილიელმა თავდამსხმელმა ნეიმარმა კლუბის ხელმძღვანელობასთან წინასწარ შეთანხმებას მიაღწია კონტრაქტის 2020 წლამდე გახანგრძლივების თაობაზე. ამის შესახებ ესპანური ინტერნეტ-გამოცემა Sport იუწყება.წყაროს ცნობით, ბრაზილიის ნაკრების ფეხბურთელი ახალ ხელშეკრულებას სულ მალე მოაწერს ხელს და ხელფასი წელიწადში დაახლოებით 12 მლნ ევრო ექნება.
ესპანეთის პრიმერა დივიზიონის მიმდინარე სეზონში ნეიმარმა 17 მატჩში ითამაშა, გაიტანა 14 გოლი და 4 საგოლე გადაცემა მიითვალა.
