სერხიო რამოსი: ჩემს კარიერაში მწვრთნელებიდან ანჩელოტის გამორჩეული ადგილი უკავია

AutoSharing Option
მადრიდის "რეალის" მცველმა სერხიო რამოსმა მის ამჟამინდელ მწვრთნელზე, კარლო ანჩელოტიზე ისაუბრა. მან იტალიელი სპეციალისტი ისეთ მწვრთნელებს შორის გამოარჩია, როგორებიც ჟოზე მოურინიო, ფაბიო კაპელო და ვისენტე დელ ბოსკე არიან.

"ანჩელოტის ფეხბურთელის მდგომარეობის შეფასება შეუძლია და კარგად ხვდება, რამდენად არის ის კონკრეტულ დროს მზად თანაგუნდელებთან ურთიერთობისთვის.

ის არის მწვრთნელი, რომელიც საჭიროების შემთხვევაში ცალკე დაგელაპარაკება და ეცდება, ყველაფერი მოაგვაროს, იქნება ეს პროფესიონალურ თუ პირად დონეზე.

მისი წარმატების გასაღები სწორედ ესაა, ამიტომაა ის საუკეთესო. ჩემს კარიერაში მწვრთნელებიდან ანჩელოტის გამორჩეული ადგილი უკავია.

გამიჭირდება სხვა მწვრთნელების
გამოყოფა, თუმცა გავიხსენებდი ესპანეთის ნაკრების ყოფილ მთავარ მწვრთნელ ლუის არაგონესს. ხოაკინ კაპაროსი კი მაშინ დამიდგა გვერდში, როდესაც არაფერს წარმოვადგენდი", - უთხრა რამოსმა Fifa.com-ს.
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული