ტოპ-5 ევროპული ლიგის უკანასკნელი ახალი წევრის ვინაობაც გაირკვა - მომავალ სეზონში ლა ლიგაში ითამაშებს კანარის კუნძულების კლუბი "ლას პალმასი", რომელმაც პლეი ოფში იმარჯვა. სეგუნდა დივიზიონის პლეი ოფის ფინალის საპასუხო მატჩში "ლას პალმასმა" შინ 2:0 დაამარცხა "სარაგოსა" და არაგონელებს მთელი სეზონის შრომა წყალში ჩაუყარა. პირველ თამაშში "სარაგოსამ" 3:1 იმარჯვა. სწორედ სტუმრად გატანილი გოლის წყალობით, პრიმერაში "ლას პალმასი" ითამაშებს. საპასუხო მატჩში გოლები როკე მესამ და სერხიო არაუჟომ გაიტანეს.
"ლას პალმასს" ესპანურ ელიტაში 2002 წლის შემდეგ არ უასპარეზია. შეგახსენებთ, რომ ლა ლიგის საგზურები
კუნძულ გრან კანარიას კლუბი "ლას პალმასი" 1949 წელს შეიქმნა, "ესტადიო დე გრან კანარია" 32 ათას მაყურებელს იტევს. "ლას პალმასს" 31 სეზონი აქვს გატარებული ლა ლიგაში.
"ლას პალმასში" რამდენიმე ნაცნობ გვარ-სახელს შეხვდებით, თუმცა ერთი ძალიან ცნობილია - ხუან კარლოს ვალერონი. დიახ, ფეხბურთელი, რომელმაც თავი "დეპორტივოში" დიდებული თამაშით დაგვამახსოვრა, ისევ მოედანზეა, არადა, 40 წლისაა. პლეი ოფის დასრულებისთანავე ვალერონს კიდევ 1 სეზონით გაუხანგრძლივეს კონტრაქტი. ვალერონი კანარის კუნძულების მკვიდრია და "ლას პალმასის" აღზრდილია, თუმცა მშობლიურ კლუბთან ერთად პრიმერაში არასოდეს უთამაშია.
"ვალერონი შემდეგ სეზონს პრიმერაში გაატარებს და ასე დაემშვიდობება ესპანეთის ყველა მთავარ სტადიონს", - ეს კლუბის ინიციატივაა. 40 წლის ფეხბურთელმა სეგუნდა ლიგაში 21 მატჩში მიიღო მონაწილეობა.
ყოველდღიური სპორტული გაზეთი "ლელო"
