"დეპორტივოს" ლეგენდამ, 38 წლის ხუან კარლოს ვალერონმა, როგორც მოსალოდნელი იყო, ფეხბურთიდან წასვლის შესახებ განაცხადა. ვალერონს ესპანეთის ჩემპიონატის უკანასკნელ ტურში, "რეალ სოსიედადის" წინააღმდეგ გააცილებენ. ვალერონმა 14 სეზონი უერთგულა "დეპორტივოს". მანამდე ის "ლას პალმასში", "მალიორკასა" და "ატლეტიკოში" თამაშობდა.
ესპანეთის ნაკრებში ნახევარმცველმა 46 თამაშში 5 გოლი გაიტანა. ვალერონი არის ესპანეთის თასის და ესპანეთის სუპერთასის (2-ჯერ) მფლობელი.
