მადრიდის "რეალის" პრეზიდენტი ფლორენტინო პერესი გუნდის მცველ სერხიო რამოსთან კონტრაქტის გახანგრძლივების თაობაზე მოლაპარაკებების გაგრძელებას აპირებს. ესპანური მედიის ცნობით, მხარეები საკითხის განხილვას საზაფხულო ტურნირის, Audi Cup-ის დასრულების შემდეგ დაუბრუნდებიან, რომელიც 5 აგვისტოს დასრულდება.
მანამდე გავრცელდა ინფორმაცია, რომ რამოსი და პერესი მზად არიან, მოლაპარაკების პროცესში გარკვეულ დათმობებზე წავიდნენ. ამბობენ, რომ რამოსი, რომელიც ხელფასად წელიწადში 10 მლნ ევროს ითხოვდა, ახლა 9 მლნ-ზეც თანახმა იქნება.
რაც შეეხება ტურნირ Audi Cup-ს, მასში მონაწილეობას მადრიდის "რეალი", მიუნხენის "ბაიერნი", "მილანი" და ლონდონის "ტოტენჰემი" მიიღებენ.
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
