მადრიდის "რეალის" ხელმძღვანელობა და სამწვრთნელო შტაბი ძალიან დაამწუხრა გუნდის თავდამსხმელის, ქარიმ ბენზემას ტრავმამ, რომელიც ფეხბურთელმა საფრანგეთის ნაკრებში, სომხეთის ეროვნულ გუნდთან გამართულ ამხანაგურ მატჩში მიიღო. ამის შესახებ Marca იუწყება.
8 ოქტომბერს საფრანგეთის ნაკრებმა მეტოქეს ოთხი უპასუხო გოლი გაუტანა. ბენზემამ თავი დუბლით გამოიჩინა, თუმცა თამაშის მიწურულს მარცხენა თეძო იტკინა და მოედანი ნაადრევად დატოვა.
"რეალი" თავისი ფეხბურთელის ტრავმაში საფრანგეთის ნაკრების მთავარ მწვრთნელ დიდიე დეშამს ადანაშაულებს. მადრიდელები მიიჩნევენ, რომ საფრანგეთის ნაკრებში ბენზემას ისე არ უფრთხილდებიან, როგორც კლუბში.
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
