ბილბაოს "ატლეტიკის" პრეზიდენტმა ფერნანდო მაკუამ ცივი წყალი გადაასხა ევროპული კლუბების წარმომადგენელთა იმედებს, ვისაც ბასკთა ცენტრფორვარდის, ფერნანდო ლორენტეს ხელში ჩაგდება სურთ - მაკუა ამბობს, რომ არათუ ამ სატრანსფერო სეზონში, არამედ ზაფხულშიც კი "ბილბაო" "მეფე ლომს" (ლორენტეს თიკუნია) არ გაყიდის. 25 წლის მსოფლიოს ჩემპიონს შესანიშნავი სეზონი აქვს პრიმერაში - 13 გოლი გაიტანა, აქედან 8 თავურით. "კატეგორიულად ვაცხადებ, ფერნანდო არ დატოვებს "ატლეტიკის" რიგებს ამ ზაფხულში. ჩვენ ჩვენი გეგმები გვაქვს და დიდ პროექტს ვახორციელებთ, ამ პროექტისთვის შეგულებული მთავარი მოთამაშეები, მათ შორის ლორენტეც, არ იყიდებიან
.
