გუშინ საღამოს "ბარსელონამ" "ატლეტიკოსთან" გამარჯვებით ქულების დაუკარგავად ჩატარებული მატჩების ახალი რეკორდი დაამყარა. წინანდელი მიღწევა "რეალს" ეკუთვნოდა, რომელმაც 1960/61 წლლის სეზონში მიყოლებით 15 მატჩი მოიგო. ამჟამად კატალონიური კლუბის ანგარიშზე ზედიზედ 16 მოგებაა."ჩემთვის მთავარი არაა ის, რომ ესპანეთის ჩემპიონატის საუკეთესო ბომბარდირი ვარ. ერთადერთი, რაზეც ვფიქრობ, ისაა, რომ გუნდმა მომავალშიც გააგრძელოს გამარჯვებები და გულშემატკივრები გაახაროს. რა თქმა უნდა ჩვენი მიღწევით ვამაყობთ. გვიხარია, რომ "რეალის" რეკორდი დავამხეთ", - თქვა მესიმ, რომელმაც "ატლეტიკოსთან" ჰეთთრიქი შეასრულა.
მომზადებულია goal.com-ის მიხედვით
.
