უახლოეს პერიოდში ესპანეთის ლა ლიგის მატჩებში, შესაძლოა, ვიდეოგამეორებების სისტემა დაინერგოს.სწორედ ამ შემოთავაზებით მიმართეს ესპანეთის ფეხბურთის ფედერაციას ჩემპიონატის ორგანიზატორებმა. მათი აზრით, ვიდეოგამეორებების სისტემით, თამაშების ხარისხი უკეთესი გახდება.
ვიდეოგამეორებების სისტემა პირველად საერთაშორისო მატჩზე 1-ელ სექტემბერს, იტალიის და საფრანგეთის ნაკრებებს შორის გამართულ შეხვედრაში გამოიყენეს. მაშინ მატჩი ფრანგთა გამარჯვებით, ანგარიშით 3:1 დასრულდა.
