ამ დღეებში "ბარსელონამ" ნიუ-იორკში ოფისი გახსნა, რადგან კატალონიური გრანდი ამერიკულ ბაზარზე გასვლას ლამობს. ამ ღონისძიებაში მონაწილეობა მიიღო რაულ გონსალეს ბლანკომაც, რომელიც, მიუხედავად იმისა, რომ "რეალის" ლეგენდაა, ამერიკაში ესპანეთის ჩემპიონატის ელჩად ითვლება და ესპანური კლუბის ღონისძიებაში მონაწილეობის მიღება მისი ვალდებულებაა. ეს ძალიან არ მოეწონათ "რეალის" ფანებს.
რაულს განსაკუთრებით ვერ პატიობენ, რომ ხრისტო სტოიჩკოვთან ერთად სამახსოვრო ფოტო გადაიღო, რადგან ბულგარელი ხელიდან არ უშვებს შანსს, რომ "რეალი" დაამციროს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
