ლა ლიგა. XIII ტური: კლასიკომდე და კლასიკოს შემდეგაც [VIDEO]

* "ფუტბოლ ესპანიას" ინფორმაციით, კვირა დილით ნეიმარი ავარიაში მოყვა. ბრაზილიელი ბაზაზე საკუთარი "ფერარი სპაიდერით" მიემგზავრებოდა. ძვირად ღირებული ავტომობილი დაზიანდა, მაგრამ თავად ფეხბურთელი უვნებელი გადარჩა.
* 31 თამაშია, რაც ზინედინ ზიდანის გუნდს არ წაუგია, რითაც კარლო ანჩელოტის "რეალის" რეკორდი (2013/14 სეზონი) გაიმეორა.
* კრიშტიანო რონალდომ ზედიზედ მე-7 კალენდარულ წელს შეძლო ლა ლიგაში 30 გოლზე მეტის გატანა. პორტუგალიელმა ზედიზედ მე-6 კალენდარულ წელს გაიტანა 50 გოლზე მეტი (ყველა შეჯიბრში).
* "ვილიარეალმა" "ელ მადრიგალზე" 6-მატჩიანი წაუგებელი სერია (5 მოგება, 1 ფრე) შეწყვიტა.
* "ბარსელონა"

2007 წლის მერე ვერ იგებს "ანოეტაზე".

მადრიდის "რეალი" ლიდერია და ლიდერად დარჩება "კამპ ნოუზე" ნებისმიერი შედეგის შემთხვევაშიც, მაგრამ "სანტიაგო ბერნაბეუს" პუბლიკისთვის ეს ცოტაა, კარგი თამაშიც აუცილებელია, კარგი თამაში კი ზიდანის გუნდს არ უჩვენებია. "ბარსამ" კვლავ ვერ მოიგო "ანოეტაზე" და ლიდერს უკვე 6 ქულით ჩამორჩა.

"ეიბარი", ტრადიციულად, კარგია სეზონის პირველ ნახევარში, თუმცა "ბეტისთან" დაპირისპირების ბედი მე-17 წუთმა გადაწყვიტა, როცა იაპონელი ინუი იტალიელმა პიჩინიმ საჯარიმოსთან მოცელა, მსაჯმა არიასმა ეს უკანასკნელი იმედის ჯარიმად მონათლა და სტუმარი მცველი გააძევა. პედრო ლეონმა შესანიშნავი საჯარიმო დარტყმით მაშინვე დასაჯა "ბეტისი", ოთხ წუთში კი ისევ ინუის აქტიურობას ენრიჩის გოლი მოჰყა.

თამაშს დაძაბულობა მხოლოდ მატჩის მიწურულს დაუბრუნდა, როცა რუბენ კასტრომ მცველის უპატიებელი შეცდომით ისარგებლა და ერთი ბურთი გაქვითა, მაგრამ შეცვლაზე შესულმა კიკე გარსიამ ანგარიშს საბოლოო წერტილი დაუსვა - 3:1. მატჩში საუკეთესო, რა თქმა უნდა, ტაკაში ინუი იყო.

"მალაგამ" "დეპორტივოს" 7-გოლიანი თრილერი მოუგო - 4:3. გამარჯვება ანდალუსიელებს ბოლო წამებზე შეცვლაზე შესულმა ხავი ონტივეროსმა მოუტანა. თავიდან გუნდებმა პენალტები გაცვალეს, შემდეგ "მალაგა" ორი ბურთით გავიდა წინ, მაგრამ მატჩის მიწურულს "დეპორტივომ" გათანაბრება შეძლო, შემდეგ კი ონტივეროსმა ჩორი კასტროს პასით იყოჩაღა.

"სანტიაგო ბერნაბეუზე" "რეალი" კრიშტიანო რონალდოს დუბლით უკვე 2:0-ს უგებდა ხიხონის "სპორტინგს" და ვერავინ წარმოიდგენდა, რომ გუნდს სამი ქულის მოპოვება გაუჭირდებოდა, მაგრამ კიდევ პირველ ტაიმში კარმონამ ერთი გაქვითა. გარეთ ბეილის გარეშე მოთამაშე "რეალი" 78-ე წუთზე გადარჩა, როცა მასპინძელთა კარში დანიშნული პენალტი დუიე ჩოპმა ჰაერში გაუშვა, კოკისპირული წვიმისგან გალუმპულმა "სანტიაგო ბერნაბეუმ" შვებით ამოისუნთქა. "სამეფო კლუბის" რიგებში საუკეთესო მატეო კოვაჩიჩი იყო.

ზინედინ ზიდანი (რეალი): "ეს ისეთი თამაშია, რომლის დავიწყებაც რაც შეიძლება მალე გინდა. არაფერი მიდიოდა ისე, როგორც ჩვენ გვსურდა, მაგრამ ჩვენ მოვიპოვეთ სამი ქულა. მატჩმა გვაჩვენა, რომ ჩვენი მეტოქე კარგი გუნდია. წვიმა? წვიმა ორივე გუნდისთვის ერთნაირად მოდიოდა, ამინდს ჩვენს ცუდ თამაშს ნამდვილად ვერ დავაბრალებ. პრობლემა სხვა რამეშია".

"ესპანიოლმა" დიდი ანგარიშით გაანადგურა დებიუტანტი "ლეგანესი" - 3:0. ყველა გოლი მეორე ტაიმში გავიდა, როცა გუნდის კარში უკვე სათადარიგო მეკარე იდგა (პირველ ტაიმში დაშავდა სერანტესი). ჯერ ჟერარდ მორენომ გაიყვანა წინ ბარსელონური კლუბი, შემდეგ კი დუბლი შეასრულა არგენტინელმა პაბლო პიატიმ. დიეგო ლოპესმა კიდევ ერთხელ შეინახა კარი "მშრალად".

"სევილიამ" და "ვალენსიამ" გულშემატკივრები გააწბილეს, სამი გოლის მიუხედავად, თამაში კარგი საყურებელი ვერ გამოდგა, მაგრამ ხორხე სამპაოლის გუნდმა მიზანს მიაღწია - 2:1. თავიდან ესეკიელ გარაიმ საკუთარ კარში ჩაჭრა ბურთი და როცა მუნირის წყალობით "ვალენსიამ" მაინც გაათანაბრა, ნიკოლას პარეხამ გამარჯვების გოლი გაიტანა.

"ვალენსიას" გადარჩენა შეეძლო, მაგრამ გაიას დარტყმულს სერხიო რიკოს "სეივი" და საფინალო სასტვენი მოჰყვა. "ვალენსია" იტალიელი ჩეზარე პრანდელის ხელშიც საშინლად გამოიყურება და ვერც ქულებს აგროვებს.

კვირის მატჩები დიდი მოულოდნელობით დაიწყო - "ვილიარეალმა" "ელ მადრიგალზე" "ალავესთან" წააგო - 0:2. სტუმართა რიგებში თავი ჯერ იბაი გომესმა, შემდეგ კი ვიქტორ კამარასამ გამოიჩინეს.

ამით უმალ ისარგებლა "ატლეტიკომ", რომელმაც სტუმრად "ოსასუნას" 3:0 მოუგო და ცხრილში "წყალქვეშა ნავს" გადაასწრო. არადა, ნავარელებს თავიდან პენალტი რომ გამოეყენებინათ (ობლაკმა იყოჩაღა), ვინ იცის, როგორ წარიმართებოდა მატჩი.

"სელტას" არ გასჭირვებია აუტსაიდერი "გრანადას" დამარცხება (3:1), მორიგი გოლი ჩაიწერა თავის ანგარიშზე იაგო ასპასმა.

"ანოეტაზე" "ბარსელონას" უჭირს ხოლმე. ამიტომაც არავის გაჰკვირვებია, როცა "რეალ სოსიედადი" ბრაზილიელმა ვილიან ჟოზემ დააწინაურა, მან თავით დაამატა ტერ შტეგენის მოგერიებულს. 6 წუთში ნეიმარმა ბრწყინვალე რეიდით ლიონელ მესის გაატანინა - 1:1. "ბარსამ" ძვირფასი ქულები დაკარგა.

XIII ტური
ეიბარი-ბეტისი 3:1
გოლები: 1:0 პედრო ლეონი (19), 2:0 ენრიჩი (23), 2:1 რ. კასტრო (84), 3:1 კიკე (92)
ეიბარი (4-2-3-1): რიესგო - არბილია, რამისი, ლეჟონი, ლუნა - დ. გარსია, ფ. რიკო - პედრო ლეონი, ადრიანი (83. ესკალანტე), ინუი (91. ბებე) - ენრიჩი (74. კიკე)
ბეტისი (5-3-2): ადანი - პიჩინი, მანდი (46. სანაბრია), ბ. გონსალესი, პეცელა, ა. მარტინესი - პეტროში (70. ფ. გუტიერესი), დონკი, სებალიოსი - ხოაკინი (28. სეხუდო), რ. კასტრო
გაძევება: პიჩინი (17)
გაფრთხილება: 0-1; კუთხური: 5-1; ჯარიმა: 11-7; თამაშგარე: 3-4; კარში დარტყმა: 16-7 (9-2); ბურთის ფლობა: 62%-38%; მაყურებელი: 5 150

მალაგა-დეპორტივო 4:3
გოლები: 0:1 ბორხესი (4-პენ), 1:1 მ. სანტოსი (21-პენ), 2:1 ს. რამირესი, 3:1 მ. სანტოსი (56), 3:2 ანდონე (72), 3:3 ბორხესი (81), 4:3 ონტივეროსი (92)
მალაგა (4-2-3-1): კამენი - როსალესი, მ. ტორესი, ვილანუევა, რიკა - ფორნალსი (87. დუდა), ნაჩო კამაჩო - მ. სანტოსი (73. ონტივეროსი), ხუანპი, გ. კასტრო - ს. რამირესი (54. ენ ნესირი)
დეპორტივო (4-2-3-1): ტიტონი - ხუანფრანი, ალბენტოსა, სიდნეი, ლუიზინიო - ბორხესი, გილერმე - გამა (93. ჩოლაქი), ფახრი (68. ხილი), მორენო (90. მოსკერა) - ანდონე
გაფრთხილება: 3-1; კუთხური: 2-5; ჯარიმა: 15-13; თამაშგარე: 1-3; კარში დარტყმა: 10-24 (4-8); ბურთის ფლობა: 37%-63%; მაყურებელი: 12 679

რეალი-სპორტინგი 2:1
გოლები: 1:0 რონალდო (5-პენ), 2:0 რონალდო (18), 2:1 კარმონა (35)
რეალი (4-3-3): კ. ნავასი - დანილო, პეპე, ს. რამოსი (72. მარსელო), ნაჩო - ხ. როდრიგესი (72. ასენსიო), კოვაჩიჩი (81. ისკო), მოდრიჩი - ლ. ვასკესი, ბენზემა, რონალდო
სპორტინგი ხ. (5-4-1): მარინო - დ. პერეირა, მერე, ამორებიეტა, ლ. კასტელიანო, ი. ლოპესი - კარმონა (76. ვიგერა), სერხიო, აიტ-ატმანე (81. კასესი), მ. გომესი (76. ვ. როდრიგესი) - ჩოპი
გამოუყენებელი პენალტი: ჩოპი (78)
გაფრთხილება: 1-3; კუთხური: 5-6; ჯარიმა: 9-18; თამაშგარე: 2-0; კარში დარტყმა: 19-9 (7-3); ბურთის ფლობა: 53%-47%; მაყურებელი: 67 118

ესპანიოლი-ლეგანესი 3:0
გოლები: 1:0 ჟ. მორენო (47), 2:0 პიატი (51), 3:0 პიატი (88)
ესპანიოლი (4-4-2): დ. ლოპესი - ვ. სანჩესი, დ. ლოპესი, დ. რეიესი, კარიკოლი - ხ. რეიესი (46. კაისედო), ხურადო, ფუეგო, პიატი - ჟ. მორენო (85. როკა), ლ. ბაპტიშტაო (70. დიოპი)
ლეგანესი (4-2-3-1): სერანტესი (30. ბრინიოლი) - ბუსტინცა, ინსუა, მანტოვანი (77. მაჩისი), ვ. დიასი - ალბერტო, ტიმორი - ო. რამოსი, უ. ლოპესი, გაბრიელი - ლუსიანო (76. გერერო)
გაფრთხილება: 0-1; კუთხური: 3-4; ჯარიმა: 19-16; თამაშგარე: 1-1; კარში დარტყმა: 8-8 (4-3); ბურთის ფლობა: 49%-51%; მაყურებელი: 17 137

სევილია-ვალენსია 2:1
გოლები: 1:0 გარაი (53. ს. კ.), 1:1 ელ ჰადადი (65), 2:1 პარეხა (75)
სევილია (3-5-1-1): ს. რიკო - რამი, მერკადო, პარეხა - ვიტოლო, სარაბია, ნ'ზონზი, კრანევიტერი (72. ხ. კორეა), ესკუდერო (46. კიოტაკე) - ვიეტო (61. ბენ იედერი)
ვალენსია (3-4-1-2): დ. ალვეში - გარაი, აბდენური (62. ელ ჰადადი), მანგალა - კანსელო, მ. სუარესი (80. მინა), ე. პერესი, სიკეირა (80. გაია) - პარეხო - ნანი, როდრიგო
გაფრთხილება: 0-1; კუთხური: 3-6; ჯარიმა: 19-14; თამაშგარე: 9-2; კარში დარტყმა: 6-10 (1-4); ბურთის ფლობა: 59%-41%; მაყურებელი: 31 901

ვილიარეალი-ალავესი 0:2
გოლები: 0:1 ი. გომესი (17), 0:2 კამარასა (17)
ვილიარეალი (4-4-2): ასენხო - მარიო გასპარი, მუსაჩო, რუისი, ხ. კოსტა - კასტილიეხო (77. ჯონ. დოს სანტოსი), ტრიგეროსი, ბრუნო სორიანო, რ. სორიანო (46. ჩერიშევი) - პატო, სანსონე (69. ბაკამბუ)
ალავესი (4-3-2-1): პაჩეკო - კიკო (85. ვიგარაი), პანტიჩი, ფედალი, ტ. ერნანდესი - დ. ტორესი, მ. ლორენტე, ე. მენდესი (73. ესპინოსა) - კამარასა, ი. გომესი (63. რ. გარსია) - დეივერსონი
გაფრთხილება: 2-3; კუთხური: 12-1; ჯარიმა: 11-19; თამაშგარე: 0-2; კარში დარტყმა: 21-10 (9-7); ბურთის ფლობა: 63%-37%; მაყურებელი: 15 629

ოსასუნა-ატლეტიკო 0:3
გოლები: 0:1 გოდინი (36), 0:2 გამეირო (37), 0:3 ფერეირა-კარასკო (90)
ოსასუნა (4-4-2): ნ. პერესი - ბონინი (46. ი. გარსია), ფლანიო, უ. გარსია, კლერკი - ბერენგერი (73. დე ლას კუევასი), ოიერი, კაუზიჩი, რ. ტორესი - რიერა, კოდრო (57. რივიერი)
ატლეტიკო (4-3-3): ობლაკი - ხუანფრანი, გოდინი, ხ. ხიმენესი, ლუკასი - გაბი, ტიაგო, კოკე - ა. კორეა (65. ფერეირა-კარასკო), გრიზმანი (84. პარტი), გამეირო (71. ს. ნიგესი)
გამოუყენებელი პენალტი: რ. ტორესი (14)
გაფრთხილება: 2-2; კუთხური: 7-4; ჯარიმა: 9-6; თამაშგარე: 1-1; კარში დარტყმა: 11-7 (1-5); ბურთის ფლობა: 46%-54%; მაყურებელი: 16 385

სელტა-გრანადა 3:1
გოლები: 1:0 ასპასი (23), 2:0 ბონგონდა (39), 2:1 კრავეცი (87), 3:1 შეიხი (93)
სელტა (4-4-2): ბლანკო - რონკალია, კაბრალი, ფონტასი, ხონი - ვასი (82. სენე), მ. დიასი, რადოია, ბონგონდა - ასპასი (86. შეიხი), ჯ. როსი (70. გუიდეტი)
გრანადა (5-4-1): ოჩოა - ფულკიე, ვეზუ, ლომბანი, სონიე, ტაბანუ (65. ბუენო) - კარსელა-გონსალესი, აგბო (72. პონსე), სამპერი, ა. პერეირა (57. აცილი) - კრავეცი
გაფრთხილება: 0-3; კუთხური: 5-0; ჯარიმა: 4-15; თამაშგარე: 6-2; კარში დარტყმა: 16-7 (6-1); ბურთის ფლობა: 70%-30%; მაყურებელი: 19 200

სოსიედადი-ბარსელონა 1:1
გოლები: 1:0 ვილიან ჟოზე (53), 1:1 მესი (59)
რეალ სოსიედადი (4-3-3): რული - კ. მარტინესი, რ. ნავასი, ი. მარტინესი, ი. ბერჩიჩე - ჩაბი პრიეტო (72. კანალესი), ილიარამენდი, ზურუტუზა - ველა, ვილიან ჟოზე (75. ხუანმი), ოიარზაბალი (85. გრანერო)
ბარსელონა (4-3-3): ტერ შტეგენი - ს. რობერტო, პიკე, მასკერანო, ალბა - რაკიტიჩი (46. დ. სუარესი), ბუსკეტსი, ანდრე გომეში - მესი, ლ. სუარესი, ნეიმარი
გაფრთხილება: 2-4; კუთხური: 8-6; ჯარიმა: 16-11; თამაშგარე: 4-6; კარში დარტყმა: 17-10 (6-2); ბურთის ფლობა: 52%-48%; მაყურებელი: 27 756

ორშაბათი. 28 ნოემბერი
ლას პალმასი-ბილბაო 23:45

ბომბარდირები:
10 კრიშტიანო რონალდო (რეალი)
9 ლიონელ მესი (ბარსელონა)
8 ლუის სუარესი (ბარსელონა)
7 იაგო ასპასი (სელტა)
ვილიან ჟოზე (სოსიედადი)

მომდევნო ტური
3 დეკემბერი:
გრანადა-სევილია, ბარსელონა-რეალი, ლეგანესი-ვილიარეალი, ატლეტიკო-ესპანიოლი;

4 დეკემბერი:
ბეტისი-სელტა, ბილბაო-ეიბარი, ალავესი-ლას პალმასი, სპორტინგი ხ-ოსასუნა, ვალენსია-მალაგა;

5 დეკემბერი:
დეპორტივო-რეალ სოსიედადი.

ყოველდღიური სპორტული გაზეთი "ლელო"