დორტმუნდის "ბორუსია" მიმდინარე სეზონს ბრწყინვალედ ატარებს და გასაკვირი ნამდვილად არაა ის, რომ დორტმუნდელ ფეხბურთელებს მთხოვნელების რიგი დაუდგათ. რუსული და სამხრეთამერიკული პრესის ინფორმაციით, სანკტ პეტერბურგის "ზენიტი" "ბორუსიას" მთავარი გოლეადორით, ლუკას ბარიოსით დაინტერესდა და მზადაა, BVB-ს მის სანაცვლოდ 20 მილიონი ევრო გადაუხადოს. აღსანიშნავია, რომ ბარიოსით (11 გოლი ამ სეზონში) "რეალი", "ჩელსი" და "მილანიც" არიან დაინტერესებულები, მაგრამ "ბორუსიასთვის" კონკრეტული წინადადებით ჯერ არ მიუმართავთ.
საინტერესოა, მოახერხებს თუ არა "ზენიტი" ბარიოსის დაყოლიებას - ფაქტია, რომ რუსების ერთადერთი არგუმენტი ბევრი ფულია, სპორტული თვალსაზრისით კი, "ზენიტში" თამაშს,
გასათვალისწინებელია ისიც, რომ ბარიოსს მიმდინარე სეზონის წინაც ბევრი წინადადება ჰქონდა და "მილანს", "მანჩესტერ სიტისა" და ყაზანის "რუბინს" უარი შეუთვალა. შეგახსენებთ, რომ დორტმუნდელებს "ბაიერნისა" და გერმანიის ნაკრების ფორვარდ მიროსლავ კლოზეს გადაბირება სურთ - შესაძლოა იმიტომაც, რომ ბარიოსის დარჩენის ასპროცენტიანი იმედი არ აქვთ.
