რამდენიმე დღის წინ გადაწყვეტილი ამბავი გუშინ ოფიციალურად დადასტურდა: მომავალ სეზონში „ბაიერნს“ იუპ ჰაინკესი უთავკაცებს. მოგეხსენებათ, „დონ იუპი“ „ლევერკუზენის“ დამრიგებელია, მაგრამ „ბაიერთან“ ახალ კონტრაქტს არ აფორმებს - სწორედ იმიტომ, რომ მიუნხენში დაუძახეს. რეკორდმაისტერის მენეჯერ ული ჰიონესის თქმით, ჰაინკესი „ბაიერნთან“ ორწლიან კონტრაქტს აფორმებს - 2013 წლის 30 ივნისამდე. შეგახსენებთ, რომ ჰაინკესი „ბაიერნს“ სათავეში მესამედ ჩაუდგება. იუპი მიუნხენურ კლუბს პირველად 1987-დან 1991 წლამდე წვრთნიდა, მეორედ კი 2009 წლის აპრილიდან ივნისამდე.
„ბაიერნის“ მთავარი მწვრთნელობა ჩემთვის უდიდესი პატივია. რეკორდმაისტერს უკვე ორჯერ ვწვრთნიდი და მიუნხენურ კლუბში
„როცა გაირკვა, რომ ლუის ვან გაალი ზაფხულში დაგვტოვებდა, ჰაინკესი იყო პირველი მწვრთნელი, ვისი გვარიც თავში მომივიდა. მიხარია, რომ თანამშრომლობაზე ამჯერადაც დაგვთანხმდა. დარწმუნებული ვარ, რომ „ბაიერნი“ ჰაინკესთან ერთად არაერთ ტიტულს მოიგებს,“ - ეს კი ვიცე-პრეზიდენტ კარლ-ჰაინც რუმენიგეს სიტყვებია.
