დიდი ხანია, „ბაიერნის“ პრეზიდენტ ული ჰიონესს სკანდალური განცხადება არ გაუკეთებია და აი, ავსტრალიასთან ამხანაგური მატჩის წინ, „ენაჭარტალა ულიმ“ გერმანიის საფეხბურთო კავშირი კრიტიკის ქარცეცხლში გაატარა. მისი აზრით, ავსტრალიის ნაკრების დარ გუნდთან ტესტ-მატჩის ჩატარება გერმანიის ნაკრებს სპორტული თვალსაზრისით არაფერს აძლევს. ჰიონესმა ფრანკფურტის „აინტრახტის“ ხელმძღვანელებიც გამოლანძღა – რა თქმა უნდა, ულისთვის საძულველი კრისტოფ დაუმის მთავარ მწვრთნელად დანიშვნის გამო.
ულის აზრით, ავსტრალიის ნაკრებთან ამხანაგური მატჩის ჩატარებაზე დათანხმების მთავარი მოტივი, გერმანული მხარისთვის ფულის შოვნაა და მეტი არაფერი. „გერმანიის საფეხბურთო კავშირი ასეთ ტესტ-მატჩებს მხოლოდ იმიტომ თანხმდება,
გერმანიის საფეხბურთო კავშირის გაკრიტიკების ფონზე, ულიმ უშუალოდ გერმანიის ნაკრების სამწვრთნელო შტაბი შეაქო. „გერმანიის ნაკრები მუდმივად პროგრესს განიცდის და ასი პროცენტით დარწმუნებული ვარ, რომ ევროპის 2012 წლის ჩემპიონატზე მთავარი ფავორიტები ჩვენ და ესპანეთი ვიქნებით,“ - აღნიშნა მან.
ჰიონესი ბუნდესლიგაში მწვრთნელების უდიდეს როტაციასაც შეეხო და ფრანკფურტის „აინტრახტის“ მენეჯერი ჰერიბერტ ბრუხჰაგენი შემოელანძღა: „როგორც ჩანს, ბუნდესლიგის კლუბების მენეჯერებს ჯადო გაუკეთეს. სხვანაირად ვერ ვხსნი იმ საგიჟეთს, რაც ბოლო სამი-ოთხი კვირის განმავლობაში დატრიალდა. ყველაზე დიდი ჯადო კი „აინტრახტის“ მენეჯერ ბრუხჰაგენისთვის გაუკეთებიათ, რომელმაც მოგებული თამაშის შემდეგ, მიხაელ სკიბე გაათავისუფლა და მის ნაცვლად კრისტოფ დაუმი დანიშნა.“
როგორც იცით, ჰიონესი და დაუმი ერთმანეთს დასანახად ვერ იტანენ...
