გუშინ, „შალკესა“ და გერმანიის ნაკრების 25 წლის მეკარემ, მანუელ ნოიერმა სპეციალური პრესკონფერენცია გამართა, იტირა და მთელი გელზენკირხენი აატირა. მან ოფიციალურად დაადასტურა ის, რაც აქამდეც ნათელი იყო: მანუელი „შალკესთან“ ახალ კონტრაქტს არ გააფორმებს, რაც იმას ნიშნავს, რომ გელზენკირხენული კლუბი უძლებული ხდება, ბუნდესმეკარე ზაფხულში გაყიდოს.ნოიერმა სახელდახელო პრესკონფერენცია გუნდის მთავარ მწვრთნელ რალფ რანგნიკთან და მენეჯერ ჰორსტ ჰელდტთან ერთად მოიწვია და შეეცადა, ქომაგებისთვის აეხსნა, რატომ გადაწყვიტა გელზენკირხენიდან წასვლა. აშკარაა, რომ გუშინდელი დღე მის კარიერაში ყველაზე ემოციური იყო - საუბრისას, დაბადებით გელზენკირხენელი ნოიერი დიდხანს
მაგრამ სულ რაღაც 5-6 კვირაში, მისი შალკელობა წარსულს ჩაბარდება, რადგან გამორიცხულია, რომ „შალკემ“ ის კონტრაქტის ვადის ბოლომდე, ანუ, 2012 წლის ზაფხულამდე დაიტოვოს და მერე უფასოდ შეელიოს. გელზენკირხენელებს ფინანსურად საკმაოდ უჭირთ და ნოიერის ტრანსფერიდან ხეირის ნახვა აუცილებელია. შესაბამისად, ახლა ყველაზე საინტერესო უკვე ის არის, თუ სად გააგრძელებს კარიერას გერმანიის ნაკრების მეკარე და თითქმის გადაწყვეტილია, რომ მისი მომავალი ნავსაყუდელი მიუნხენის „ბაიერნი“ იქნება.
„შალკეს“ ხელმძღვანელებს ამ უქმეებზე ვუთხარი, რომ ახალი კონტრაქტის გაფორმებას არ ვაპირებდი. მენეჯერმა ჰორსტ ჰელდტმა კი მაცნობა, რომ „ბაიერნი“ დაინტერესებულია. გადაწყვეტილი ჯერ არაფერია, მაგრამ შანსი იმისა, რომ სწორედ მიუნხენში გადავიდე, არის,“ - განაცხადა ნოიერმა.
„ჩვენ ყველა ღონე ვიხმარეთ იმისათვის, რომ მანუელი ახალ კონტრაქტზე დაგვეთანხმებინა... ყველანი დამწუხრებულები ვართ, მისი წასვლა ჩვენთვის დიდი დანაკლისია, მაგრამ ვალდებულები ვართ, რომ ნოიერის გადაწყვეტილება მივიღოთ,“ - ეს კი რანგნიკის სიტყვებია.
წასვლამდე, მანუელს შეუძლია, „შალკესთან“ გერმანიის თასი (გელზენკირხენელები ფინალში არიან) და ჩემპიონთა ლიგა (ნახევარფინალში მანჩესტერს ხვდებიან) მოიგოს...
