გუშინ, „კიოლნის“ დამრიგებელმა ფრანკ შეფერმა თანამდებობა თავისი ნებით დატოვა და გუშინვე, გუნდის მწვრთნელად ფოლკერ ფინკე დაინიშნა - 63 წლის სპეციალისტი, რომელიც „კიოლნის“ სპორტული დირექტორია და სეზონის ბოლომდე მთავარი მწვრთნელის ფუნქციებსაც შეითავსებს. ფოლკერის მიზანი დარჩენილ სამ ტურში „თხების“ მეორე ბუნდესლიგაში გავარდნისგან გადარჩენა იქნება.ორი კვირის წინ ფინკემ გადაწყვიტა, რომ შეფერი „კიოლნის“ მწვრთნელის თანამდებობას სეზონის დასრულებისთანავე დატოვებდა და კვირას, „ვოლფსბურგთან“ განცდილი მარცხის შემდეგაც გაიმეორა, რომ შეფერის ვადამდე გათავისუფლებას არ აპირებდა, მაგრამ გუშინ შეფერმა პოსტი თავისი ნებით დატოვა და წასვლა იმით ახსნა, რომ
ფაქტია, რომ „კიოლნს“ მეორე ბუნდესლიგაში დაქვეითების საფრთხე ჯერ კიდევ სერიოზულად ემუქრება. „თხებს“ 35 ქულა აქვთ და სარელეგაციო მე-16 ადგილზე მყოფ „ვოლფსბურგს“ მხოლოდ სამი ქულით უსწრებენ. თანაც, „კიოლნს“ დარჩენილ სამ ტურში საკმაოდ რთული კალენდარი აქვს: „ლევერკუზენი“ (შინ), „აინტრახტი“ (სტუმრად) და „შალკე“ (შინ).
