ამას წინათაც ვწერდით, რომ ფელიქს მაგათი „ვოლფსბურგში“ ძირეულ ცვლილებებს გეგმავს. როგორც იცით, 57 წლის სპეციალისტი „მგლებში“ გასული სეზონის მიწურულს დაბრუნდა და პროგრამა მინიმუმი წარმატებით შეასრულა - გუნდი, რომელიც 2009 წელს ყველასათვის მოულოდნელად თვითონვე გახადა გერმანიის ჩემპიონი, მეორე ბუნდესლიგაში გავარდნისგან იხსნა. ახლა კი, „დესპოტი ფელიქსი“ ახალი სეზონისთვის იწყებს მზადებას და როგორც უკვე გაუწყეთ, არაერთYფეხბურთელს უშვებს. უახლესი ინფორმაციით, 32 წლის თავდამსხმელის, გრაფიტეს „ალ აჰლიში“ გადასვლა ფაქტობრივად გადაწყვეტილია და „მგლები“ ამ ფეხბურთელის სანაცვლოდ დაახლოებით 3 მილიონ ევროს მიიღებენ.
„ვოლფსბურგერ ნახრიხთენი“ კი წერს, რომ
დიდი ხანია, პანდერს ფეხბურთი მაღალ დონეზე არ უთამაშია, რადგან ტრავმებმა გატანჯეს. თვითონ განსაჯეთ, ერთ დროს ერთ-ერთმა ყველაზე პერსპექტიულმა გერმანელმა ფეხბურთელმა მარცხენა მუხლზე ზედიზედ ხუთი (!) ოპერაცია გაიკეთა. პანდერი ამბობს, მაგათთან „შალკეში“ ახალ კონტრაქტზე უკვე შეთანხმებული ვიყავი, მაგრამ მერე მწვრთნელი შეიცვალა და ჩემი გელზენკირხენში დარჩენა უდიდესი კითხვის ნიშნის ქვეშ დადგაო. საქმე იმაშია, რომ „შალკემ“ ახალი სეზონისთვის „მაინცის“ მარცხენა მცველი კრისტიან ფუხსი იყიდა, რაც იმას ნიშნავს, რომ გელზენკირხენელთა მთავარი მწვრთნელი რალფ რანგნიკი კრისტიანზე სერიოზულად არ ფიქრობს. ასე რომ, ვოლფსბურგში ტრანსფერი რეალურია...
