„შალკეს“ მარცხენა მცველი კრისტიან პანდერი (ორი მატჩი გერმანიის ნაკრებში), რომელიც ბოლო ორი წლის განმავლობაში მუდმივად ტრავმირებული იყო, „ჰანოვერმა“ გადაიბირა. მას მერე, რაც ცნობილი გახდა, რომ გელზენკირხენული კლუბი 27 წლის პანდერს ახალ კონტრაქტს არ უფორმებდა, კრისტიანისთვის ორი კლუბი იბრძოდა, მაგრამ „ჰანოვერმა“ „ვოლფსბურგს“ აჯობა. ფეხბურთელი არ უარყოფს, „ჰანოვერს“ უპირატესობა იმის გამო მივანიჭე, რომ ამ კლუბს ჩემი ყოფილი და უსაყვარლესი მწვრთნელი მირკო სლომკა წვრთნისო.
„ამ გუნდს უდიდესი პოტენციალი აქვს, რაც „ჰანოვერმა“ გასულ სეზონშიც დაამტკიცა. კარიერაში უიღბლობა დამჩემდა და მინდა, რომ ამას ბოლო სწორედ
კრისტიანი „წითლებთან“ კონტრაქტს ჯერ მხოლოდ 2012 წლამდე გააფორმებს, რადგან „ჰანოვერს“ რისკზე წასვლა არ სურს. ფეხბურთელი ხშირად შავდება და ამიტომაცაა, რომ ჯერ მხოლოდ ერთწლიან ხელშეკრულებას უფორმებენ. თანაც, დიდი ხანია, წარსულს ჩაბარდა დრო, როცა პანდერი გერმანული ფეხბურთის ამომავალ ვარსკვლავად მიიჩნეოდა – 2007 წლის აგვისტოში მან „უებლიზე“ ინგლისის ნაკრებს გოლი გაუტანა. მაშინ პანდერი ფორმის პიკში იყო, მაგრამ შემდეგ ტრავმებმა მოუღო ბოლო.
ყოველდღიური სპორტული გაზეთი "ლელო"
