დორტმუნდის „ბორუსიას“ მთავარი მწვრთნელი იურგენ კლოპი ფიქრობს, რომ მისი გუნდი გერმანიის ჩემპიონობას ვერ შეინარჩუნებს. იურგენი თითქმის დარწმუნებულია, რომ გაისად ბუნდესლიგას „ბაიერნი“ მოიგებს. „2012 წელს გერმანიის ჩემპიონი მიუნხენის „ბაიერნი“ გახდება, - აცხადებს კლოპი „კიკერისთვის“ მიცემულ ინტერვიუში და იქვე დასძენს, - ჩვენ კი, იმედი მაქვს, ჩემპიონთა ლიგის საგზურს მოვიპოვებთ.“
ცხადია, რომ ამ განცხადებით 44 წლის კლოპის წნეხის „ბაიერნზე“ გადატანა უნდა. როგორც ჩანს, მიუნხენური კლუბის დამრიგებელ იუპ ჰაინკესისთვის ეს პრობლემას არ წარმოადგენს: „ცხადია, რომ გერმანიის ჩემპიონები ჩვენ უნდა გავხდეთ,“ - ამბობს „დონ იუპი“.
ყოველდღიური სპორტული გაზეთი "ლელო"
